বজালীৰ ভৱানীপুৰত শোকাৱহ পথ দুৰ্ঘটনা
ৰঙিলী বাৰ্ত্তাসেৱা- ৰাসৰ আনন্দৰ মাজতে বজালীৰ ভৱানীপুৰত এক ভয়াৱহ দুর্ঘটনা সংঘটিত হয়। ট্রাক আৰু মাৰুতি ভানৰ মুখামুখি সংঘৰ্ষত নিহত হয় ৫ গৰাকীকৈ ব্যক্তি আৰু ২গৰাকী ব্যক্তি আহত হয়। যোৱানিশা প্রায় দুই বজাত নলবাৰীৰ পৰা ৰাস উপভোগ কৰি বৰপেটালৈ ওভতাৰ পথত ভৱানীপুৰ আঞ্চলিক মহাবিদ্যালয়ৰ সন্মুখত একে দিশৰ পৰা গৈ থকা ট্রাকত প্রচণ্ড খুন্দা মাৰে মাৰুতি ভান এখনে। ঘটনাস্থলীত ভানখনত থকা সাতগৰাকী আৰোহীৰ পাঁচগৰাকী ক্রমে আচিচ হাবিব খান, মিজাউৰ ৰহমান, ৰয়েল খান, মইৰুল হক আৰু মিজানুৰ নিহত হয়। সংকটজনক অৱস্থাত আন আহত দুজনক বৰপেটা চিকিৎসা মহাবিদ্যালয় হাস্পতালত চিকিৎসাধীন কৰোৱা হয়।