পানেৰি স্থিত বেটাৰ লাইফ চিকিৎসা প্ৰতিষ্ঠানৰ উদ্যোগত গৰুৱাঝাৰত বিনামূলীয়া চিকিৎসা সেৱা
অমৰজিৎ ৰাভা,ওদালগুৰি,বাৰ্ত্তাসেৱা- ওদালগুৰি জিলাৰ পানেৰীস্থিত ব্যক্তিগত খণ্ডৰ চিকিৎসালয় বেটাৰ লাইফৰ তৰফৰ পৰা আজি গৰুৱাঝাৰ অঞ্চলত আজি বিনামূলীয়া চিকিৎসা সেৱা আগবঢ়ায়। বিশেষকৈ গৰ্ভৱতী মহিলা সকলৰ বিভিন্ন স্বাস্থ্য পৰীক্ষাৰ লগতে বিনামূলীয়াকৈ ঔষধ বিতৰণ কৰে। বেটাৰ লাইফ চিকিৎসা কেন্দ্ৰৰ উদ্যোগত আয়োজন কৰা সম্পূৰ্ণ বিনামূলীয়া মাতৃত্ব শিবিৰত বেটাৰ লাইফৰ প্ৰতিষ্ঠাপক ড° ছায়ান্তনি ভট্টাচাৰ্যীয়ে জানিব দিয়া মতে পিছপৰা অঞ্চলৰ বহুতো দুখীয়া পৰিয়ালে আৰ্থিক সমস্যাৰ বাবে গৰ্ভৱতী মহিলা সকলৰ প্ৰাথমিক পৰীক্ষা তথা চিকিৎসা সমূহ কৰিবলৈ সক্ষম নহয়। যাৰ ফলত গৰ্ভৱতী মহিলাৰ গৰাকীয়ে বহু খিনি সমস্যাৰ সন্মুখীন হব লগীয়া হয়। আজিৰ এই এদিনীয়া বিনামূলীয়া মাতৃত্ব শিবিৰত গৰুৱাঝাৰৰ অন্তৰ্গত সকলো গৰ্ভৱতী মহিলাৰ প্ৰাথমিক পৰীক্ষা, হিম’গ্লবিন পৰীক্ষা, হেপাটাইটিছ বি পৰীক্ষা, ব্লাদ প্ৰেচাৰ পৰীক্ষা, গ্লুকচ পৰীক্ষা আদিকে ধৰি গৰ্ভৱতী মহিলাৰ বাবে প্ৰয়োজনীয় সকলো ধৰণৰ পৰীক্ষা কৰা হয়। আনফালে উক্ত শিবিৰত গৰ্ভৱতী মহিলাসমূহক সম্পূৰ্ণ বিনামূলীয়াভাৱে আইৰন আৰু কেলচিয়ামৰ ঔষধ আৰু লঘু আহাৰ বিতৰণ কৰে বেটাৰ লাইফ কৰ্তৃপক্ষই। লগতে অনাগত দিনত বিভিন্ন অঞ্চলত এনে বিনামূলীয়া চিকিৎসা শিবিৰ কৰিম বুলি মন্তব্য কৰে। বেটাৰ লাইফৰ এনে পদক্ষেপক সমূহ গৰুৱাঝাৰবাসী ৰাইজে শলাগ জনোৱাৰ ৰগতে কৃতজ্ঞতা জ্ঞাপন কৰে।