আজিৰে পৰা আৰম্ভ হ’ব ডুৰাণ্ড কাপ ২০২৩
ৰঙিলী বাৰ্ত্তাসেৱা- আজিৰে পৰা আৰম্ভ হ’ব এছিয়াৰ আটাইতকৈ পুৰণি ফুটবল টুৰ্ণামেণ্ট ডুৰাণ্ড কাপ ২০২৩। আজি সন্ধিয়া ৫.৪৫ত পশ্চিম বংগৰ বিবেকানন্দ যুৱ ভাৰতী কৃৰঙ্গন (চল্ট লেক ষ্টেডিয়াম)ত আৰম্ভ হ’ব ইয়াৰ প্ৰথমখন খেল। প্ৰথম প্ৰতিযোগিতাখনত অৱতীৰ্ণ হ’ব মোহন বাগান এছজি বনাম বাংলাদেশ আৰ্মি এফটি। অসমৰ গুৱাহাটী, কোকৰাঝাৰ আৰু পশ্চিম বংগত অনুষ্ঠিত হ’ব লগীয়া এই প্ৰতিযোগিতাৰ বাবে মুঠ ৪৩খনকৈ মেচ অনুষ্ঠিত হ’ব। আনহাতে ইয়াৰ দ্বিতীয়খন মেচ গুৱাহাটীৰ সৰুসঁজাই ষ্টেডিয়ামৰ ইণ্ডিৰা গান্ধী এথলেটিক ষ্টেডিয়ামত ৪ আগষ্ট, ২০২৩ তাৰিখে অনুষ্ঠিত হ’ব। য’ত প্ৰতিযোগিতাত নামিব নৰ্থইষ্ট ইউনাইটেড এফ চি বনাম শ্বিলং লাজং। উল্লেখ্য এমাহ ধৰি অনুষ্ঠিত হ’ব লগীয়া এই প্ৰতিযোগিতাখনি পশ্চিম বংগৰ বিবেকানন্দ যুৱ ভাৰতী কৃৰঙ্গন (চল্ট লেক ষ্টেডিয়াম)ত ৩ ছেপ্তেম্বৰ, ২০২৩ত অন্ত পৰিব।