অসমৰ জাতীয় জীৱনৰ এগৰাকী স্বনামধন্য ব্যক্তিক হেৰুৱালোঁঃ কেন্দ্ৰীয় মন্ত্ৰী সৰ্বানন্দ সোণোৱাল

অসমৰ জাতীয় জীৱনৰ এগৰাকী স্বনামধন্য ব্যক্তিক হেৰুৱালোঁঃ কেন্দ্ৰীয় মন্ত্ৰী সৰ্বানন্দ সোণোৱাল

গুৱাহাটী,ৰঙিলী বাৰ্ত্তাসেৱা-  “প্ৰথিতযশা সাহিত্যিক, শিক্ষাবিদ, চিন্তাবিদ তথা আনন্দৰাম বৰুৱা ভাষা-কলা-সংস্কৃতি সংস্থা, অসমৰ প্ৰাক্তন সঞ্চালক ড° প্ৰফুল্ল মহন্তদেৱে অতুলনীয় সৃষ্টিৰাজিৰে অসমৰ বৌদ্ধিক তথা সাহিত্য জগতক সমৃদ্ধ কৰি থৈ গৈছে। তেখেতৰ বিয়োগত আমি অসমৰ জাতীয় জীৱনৰ এগৰাকী স্বনামধন্য ব্যক্তিক হেৰুৱালোঁ।” – ড° প্ৰফুল্ল মহন্তৰ বিয়োগত গভীৰ শোক প্ৰকাশ কৰি কেন্দ্ৰীয় মন্ত্ৰী তথা অসমৰ সাংসদ সৰ্বানন্দ সোণোৱালে এনেদৰে উল্লেখ কৰে। ড° প্ৰফুল্ল মহন্তদেৱৰ বিদেহ আত্মাৰ সদ্গতি কামনা কৰি শোকসন্তপ্ত পৰিয়ালবৰ্গলৈ সোণোৱালে গভীৰ সমবেদনা জ্ঞাপন কৰে। নিৰলস সাধনাৰে মহন্তদেৱে অসমৰ সমাজ জীৱনলৈ যি অনবদ্য অৱদান আগবঢ়াই থৈ গ’ল, সেয়া চিৰস্মৰণীয় হৈ ৰ’ব বুলি কেন্দ্ৰীয় মন্ত্ৰীগৰাকীয়ে উল্লেখ কৰে।