ৰাধাগোবিন্দ বৰুৱা মহাবিদ্যালয়ত আত্মৰক্ষা প্ৰশিক্ষণ শিবিৰৰ সামৰণি অনুষ্ঠান
ৰঙিলী বাৰ্ত্তাসেৱা- ৰাধাগোবিন্দ বৰুৱা মহাবিদ্যালয়ৰ মহিলা অধ্যয়ন কোষ আৰু এনএফটি টাংচোডো ক্ৰীড়া সংস্থা,অসমৰ উদ্যোগত মহাবিদ্যালয় প্ৰাংগণত ছাত্ৰ ছাত্ৰীৰ বাবে আয়োজন কৰা সাদিনীয়া আত্মৰক্ষা প্ৰশিক্ষণ শিবিৰৰ সামৰণি অনুষ্ঠান অনুষ্ঠিত হয়৷মহাবিদ্যালয়ৰ অধ্যাপিকা ড° মালবিকা শৰ্মাই আঁত ধৰা অনুষ্ঠানত পৌৰোহিত্য কৰে অধ্যাপিকা ড° মল্লিকা কন্দলীয়ে৷মহিলা অধ্যয়ন কোষৰ সম্পাদিকা,অধ্যাপিকা শৰ্মিষ্ঠা দাসে উদ্দেশ্য ব্যাখ্যা কৰা সভাত মুখ্য অতিথি হিচাপে উপস্থিত থাকে অসম সাহিত্য সভাৰ উপ সভাপতি মৃণালিনী দেৱীয়ে৷মহাবিদ্যালয়ৰ অধ্যক্ষা ড° ববিতা চৌধুৰীয়ে ভাষণ দিয়া সভাত ছাত্ৰীসকলক চাৰ্টিফিকেট বিতৰণ কৰা হয় আৰু ছাত্ৰীসকলে সমৰ কলা প্ৰদৰ্শন কৰে৷প্ৰশিক্ষকদ্বয় দেৱজিৎ গগৈ আৰু বৰ্ণালী গগৈয়ে নিজৰ অনুভৱ ব্যক্ত কৰে৷সভাৰ শেষত শলাগৰ শৰাই আগবঢ়াই অধ্যাপিকা কবিতা ভূঞাই৷