সোণাৰু ফুল – ছেলিমা বেগম

সোণাৰু ফুলৰ সৌন্দৰ্য্যত মন মোৰ মতলীয়া

হালধীয়া সৌন্দৰ্য্যত মন মোৰ উৰনীয়া

চৌপাশে কেৱল হালধীয়াই হালধীয়া

ন সাজেৰে সাজি উঠিছে আজি ধৰণী ৷

নৈসৰ্গিক পৰিবেশত , বোকাচাত উঠি

আহিছে সোণাৰু ফুলৰ সৌন্দৰ্য

কবিৰ কবিতাৰ মাজতো জিলিকি উঠিছে
সোণাৰু ফুলৰ হালধীয়া ৰং খিনি ৷

বসন্ত ঋতুত বতাহত বিয়পি আছে

সোণাৰু তোমাৰ সুভাষ কি যে মিঠা মিঠা ,

সোণাৰু ৰাগিয়ে  মতলীয়া কৰে

মন মোৰ এবুকু মৰম লৈ ৷

সোণাৰু বসন্তক সজাই পৰাই তুলিছে

বাৰী ঘৰ ,হাবি বন সকলোতে

সেই সোণাৰু ফুলৰ গোন্ধৰে আজি ,

মোৰ নাকে মুখে লাগি সৌন্দৰ্য্য বিয়পাই দিছে ৷