সন্ত্ৰাসবাদীৰ বিৰুদ্ধে যুঁজ দি আহত হোৱা ভাৰতীয় সেনাবাহিনীৰ কুকুৰ ‘জুম’ৰ মৃত্যু
ৰঙিলী বাৰ্ত্তাসেৱা- কিছুদিন পূৰ্বে জম্মু-কাশ্মীৰৰ অনন্তনাগ জিলাৰ কোকেৰনাগ অঞ্চলত সন্ত্ৰাসবাদ বিৰোধী অভিযানত গুৰুতৰভাৱে আহত হোৱা ভাৰতীয় সেনাৰ আক্ৰমণকাৰী কুকুৰ ‘জুম’ৰ চিকিৎসাধীন অৱস্থাত আজি বৃহস্পতিবাৰে মৃত্যু হয়। সেনাৰ বিষয়াসকলে জুমৰ মৃত্যু নিশ্চিত কৰি কয় যে চিকিৎসাধীন হৈ থকা কুকুৰটোৰ আজি দুপৰীয়া প্ৰায় ১২ বজাত মৃত্যু হয়। সেনাৰ বিষয়াসকলে লগতে কয় যে পুৱা প্ৰায় ১১:৪৫ বজালৈকে সি ভাল সঁহাৰি দিছিল যেতিয়া হঠাতে সি হাঁহিবলৈ আৰম্ভ কৰিছিল আৰু ঢলি পৰিছিল।১০ অক্টোবৰত চলোৱা অভিযানত জুমৰ শৰীৰত দুটা গুলি লাগিছিল। বুধবাৰে সেনাৰ বিষয়াসকলে জুমৰ স্বাস্থ্যৰ ওপৰত এক আপডেটত কৈছিল যে অস্ত্ৰোপচাৰৰ পিছত কুকুৰটো সুস্থিৰ হৈ আছে, অৱশ্যে লগতে কয় যে পৰৱৰ্তী ৪৮ ঘণ্টা জটিল অৱস্থাত থাকিব।
