মহিলাৰ বিবাহৰ বয়স বৃদ্ধি কৰিলে তেওঁলোক ‘আত্মনিৰ্ভৰ’ হ’ব: প্ৰধানমন্ত্ৰী মোদী
ৰঙিলী বাৰ্ত্তাসেৱা- প্ৰধানমন্ত্ৰী নৰেন্দ্ৰ মোদীয়ে কৈছে যে মহিলাৰ বিবাহৰ বয়স ১৮ ৰ পৰা ২১ বছৰলৈ বৃদ্ধি কৰাৰ উদ্দেশ্য “দেশ কি বেটি”ক শক্তিশালী কৰাৰ প্ৰস্তাৱ দিয়া হৈছে যাতে তেওঁলোকে শিক্ষা সম্পূৰ্ণ কৰিবলৈ আৰু তেওঁলোকৰ কেৰিয়াৰ গঢ়ি তুলিবলৈ পৰ্যাপ্ত সময় পায় আৰু ‘আত্মনিৰ্ভৰ’ হয়। “আমি বিশ্বাস কৰোঁ যে পুত্ৰ আৰু কন্যা সমান। মহিলাসকলৰ বিবাহৰ বয়স ১৮ ৰ পৰা ২১ লৈ বৃদ্ধি কৰি চৰকাৰে ‘দেশ কি বেটি’ক নিজৰ বাবে কেৰিয়াৰ গঢ়ি তুলিবলৈ আৰু আত্মনিৰ্ভৰ হ’বলৈ সক্ষম কৰিব বিচাৰে,” ভিডিঅ’ কনফাৰেন্সৰ জৰিয়তে পুডুচেৰীত এমএছএমই মন্ত্ৰালয়ৰ প্ৰযুক্তি কেন্দ্ৰ উদ্বোধন কৰি প্ৰধানমন্ত্ৰীয়ে কয়।