ভাৰতৰ কৰ’না সংক্ৰমণৰ ঘটনা একেৰাহে দ্বিতীয় দিনৰ বাবে বৃদ্ধি
ৰঙিলী বাৰ্ত্তাসেৱা- স্বাস্থ্য আৰু পৰিয়াল কল্যাণ মন্ত্ৰালয়ে জনোৱা অনুসৰি ভাৰতত নতুনকৈ যোৱা ২৪ ঘণ্টাত ৭,৯৭৪ জন লোক কৰ’নাত সংক্ৰমিত হৈছে।যাৰ ফলত ভাৰতত মুঠ কৰ’নাত সংক্ৰমিত লোকৰ সংখ্যা ৩,৪৭,১৮,৬০২জনলৈ বৃদ্ধি পাইছে। দেশখনত নতুনকৈ কৰ’না সংক্ৰমণৰ ফলত ৩৪৩ জন লোকৰ মৃত্যু হৈছে। যাৰ ফলত মৃত্যু হোৱা লোকৰ সংখ্যা ৪,৭৬,৪৭৮ জনলৈ বৃদ্ধি পাইছে। লক্ষণীয় ভাৱে, ভাৰতত নতুনকৈ সংক্ৰমিত হোৱা লোকসকলৰ ভিতৰত কেৰালাৰ ৪০০৬জন লোক আছিল। আৰু কেৰালাত নতুনকৈ ২৮২জন লোকৰ মৃত্যু হৈছে। আনহাতে ভাৰতত বৰ্তমান ৮৭,২৪৫টা সক্ৰিয় ঘটনা আছে। ভাৰতত কৰ’না সংক্ৰমণৰ পৰা সুস্থ হৈ উঠাৰ হাৰ ৯৮.৩৮%।