( অণুগল্পৰ দৰেই )
* বালীলৈ যি পাট — **
বোৱাৰীয়েকে খুন্দি দিয়া ডাঙৰ চৰিয়াটোৰ পৰা পিঠাগুড়িখিনি দুভাগ কৰি তেওঁ ক’লে ,
“ এইয়া তোৰ ৷’’
“ হোঁ , মই ভজা খাই চা ৷’’
ধোৱা কাঁহি -বাতিবোৰ থ’বলৈ যাওঁতেই দুজনীয়া কণ্ঠস্বৰ তাইৰ কাণত পৰিল ৷
“ আটাইকেইটা খালে পায় , আচৰিত দেই — !’’
“ খাবলৈ পালেহে ! কেলেহুৱা ঘৰৰ যে —- ৷’’
বমি বমি ভাৱ এটা মনলৈ আহিল যদিও ফোনটো ৰিং হোৱা শুনি কাণ উনালে ৷
“ বাইদেউ , কি হ’ল ? কান্দিছ যে —– ? ’’
“ বুইছ , বিহুৰ দিনা ৰাতিপুৱাই ননন্দজনীয়ে মোক
“ টোকোনা ঘৰৰ “ বুলি কৈছে —– ৷’’
ওঁঠত হাঁহিৰ ৰেশ এটা লৈ তাই আঁতৰি গ’ল ৷
*****
– অঞ্জুমণি শইকীয়া ৷
যোৰহাট , মালৌ- আলি ( তিনি আলি )