CRPF বাহিনীয়ে যোৰহাট বিমানবন্দৰ পৰা আৰম্ভ কৰা চাইকেলৰেলী দলক আদৰণি গোলাঘাট দলৌজান কুঁৱৰী গাঁৱবাসীৰ
অনলাইন বাৰ্ত্তাসেৱা – CRPF বাহিনীয়ে যোৰহাট বিমানবন্দৰ পৰা আৰম্ভ কৰা চাইকেলৰেলী দলক আদৰণি গোলাঘাট দলৌজান কুঁৱৰী গাঁৱবাসীৰঃ সাংস্কৃতিক দলে আদৰণি CRPF বাহিনীক। যোৰহাট বিমানবন্দৰ পৰা আৰম্ভ কৰা চি আৰি পি এফৰ ২৫ জনীয়া চাইকেলৰেলীৰ দল গোলাঘাট জিলাৰ জামুগুৰি আৰক্ষী থানাৰ অন্তৰ্গত দলৌজান কুঁৱৰী গাঁও প্ৰাথমিক বিদ্যালয়ত মঙ্গলবাৰে উপস্থিত হয় ।চাইকেল ৰেলী দলটো বিয়লি বেলা উপস্থিত হোৱা লগে লগে দলৌজান কুঁৱৰী গাঁৱৰ শতাধিক ৰাইজে পথৰ দুশমিটাৰ আঁতৰৰ পৰা আদৰনি জনাই,লগতে ৰাইজে চাইকেলী ৰেলী দলটোক ফুলৰে সম্ভাসন জনোৱাৰ লগতে প্ৰতিজনকে গামোচাৰে আদৰণি জনাই।আনহাতে স্থানীয় কেইবাটাও সাংস্কৃতিক দলে বিহু ,ঝুমুৰ আদি প্ৰদৰ্শন কৰি সকলোকে আপ্লুট কৰে।তদুপৰি চাইকেল ৰেলী দলটো সৰুপথাৰ ডিফু হৈ দিল্লী ৰাজঘাটত গান্ধী জয়ন্তীদিনা সামৰনি মাৰিব।অমৃত মহোৎসৱ আৰু ৭৫ সংখ্যক স্বাধীনতা দিৱসৰ লগত সংগতি ৰাখি এই কাৰ্যসূচী ৰূপায়ণ কৰে।
মৃগাংক বৰুৱাৰ ৰিপোৰ্ট,গোলাঘাট