বৰষুণ ভাল পাওঁ
ৰূপালী গগৈ চুতীয়া
ডিব্ৰুগড়
চিপচিপীয়া বৰষুণত
তিতাৰে পৰাই
তোমাক ভাল পোৱা
দুৰু দুৰু বুকুখন কঁপে
আজিও জানা,
কিয় বাৰে বাৰে মনলৈ আহি
অজানিতে আমনি কৰা ?
মোৰ পদূলিৰ জপনা
মাথোঁ তোমালৈ খোলা
মন দাপোনত ছবি আঁকি
ঢৌ তোলা চুলিৰ আঁৰত
কিয় বাৰে বাৰে
জোনাকৰ সলনি
অমাৱস্যাৰ আন্ধাৰ হিচাপ কৰি
নিজৰ মনক দুখ দিয়া ?
চিপচিপীয়া বৰষুণৰ আঁৰত
আজিও আছে তোমাৰ মোৰ
ভাল পোৱা ।
বৰষুণ ভাল পাওঁ
সেয়ে জুমি জুমি চাওঁ
কিয় কেতিয়াও নুসুধিবা…
তোমাক ভাল পোৱাৰ দৰেই
নাথাকে কোনো অজুহাত
মাথোঁ অপেক্ষা
বহু দিনৰ পৰা ।
আজীৱন সুখী হোৱা
নেপথ্যত আছোঁ
সপোন নাই নিজৰ কৰাৰ
আক্ষেপও নাই
অভিমান আছে বুকু যোৰাই
চকুত আছে এটি মৰম লগা
বৰফৰ টুকুৰা
কোনেও দেখি নোপোৱা
দেখি নোপোৱা ।৷