ভাৰতৰ মহিলা ক্ৰিকেটাৰসকলে পুৰুষৰ দৰে একে মেচ মাচুল লাভ কৰিবঃ বিচিচিআই
ৰঙিলী বাৰ্ত্তাসেৱা- এতিয়া বিচিচিআইৰ কেন্দ্ৰীয় চুক্তিত অন্তৰ্ভুক্ত মহিলা ক্ৰিকেটাৰসকলেও পুৰুষৰ সমান মেচ মাচুল লাভ কৰিব। বিচিচিআইৰ শীৰ্ষ পৰিষদে এই ঐতিহাসিক সিদ্ধান্ত লৈছে। বোৰ্ডৰ সচিব জয় শ্বাহে টুইট কৰি এই তথ্য দিছে। জয় শ্বাহে টুইট কৰি কয়, “মই ঘোষণা কৰি সুখী যে বিচিচিআইয়ে বৈষম্য দূৰ কৰাৰ দিশত প্ৰথম পদক্ষেপ গ্ৰহণ কৰিছে। আমি পৰিষদৰ সৈতে চুক্তিবদ্ধ মহিলা ক্ৰিকেটাৰসকলৰ বাবে সমান দৰমহাৰ নীতি ৰূপায়ণ কৰি আছো। এতিয়া মহিলা আৰু পুৰুষ দুয়োগৰাকী ক্ৰিকেট খেলুৱৈয়ে একেখন খেলৰ মাচুল পাব। ইয়াৰ জৰিয়তে আমি ক্ৰিকেটত লিংগ সমতাৰ এক নতুন যুগত প্ৰৱেশ কৰিছো।এতিয়াৰে পৰা মহিলা ক্ৰিকেটাৰ খেলুৱৈসকলে এতিয়া প্ৰতিখন টেষ্ট খেলৰ বাবে ১৫ লাখ টকা লাভ কৰিব।এদিনীয়া খেলত ৬ লাখ টকা আৰু এখন টি-২০ খেলৰ বাবে ৩ লাখ টকা লাভ কৰিব। ইয়াৰ আগতে, ভাৰতীয় মহিলা ক্ৰিকেট দলৰ খেলুৱৈসকলে টেষ্টৰ বাবে ৪ লাখ টকাৰ মেচ মাচুল লাভ কৰিছিল। আনহাতে এদিনীয়া আৰু টি-২০ৰ বাবে ১ লাখ টকা উপলব্ধ আছিল। কিন্তু, বিচিচিআইৰ সিদ্ধান্তৰ পিছত, মহিলা খেলুৱৈসকলে এতিয়া আগৰ তুলনাত বহুগুণে মেচ মাচুল পাব।