ৰাছিয়াৰ সেনাৰ বৰ্বৰতাত হতভম্ব বিশ্ববাসী
ৰঙিলী বাৰ্ত্তাসেৱা- ৰাছিয়াৰ বন্দীত্বৰ পৰা বাচি যোৱা এজন ইউক্ৰেনীয় সৈনিকৰ আচৰিত ছবি ছচিয়েল মিডিয়াত প্ৰকাশ পাইছে।ৰাছিয়া আৰু ইউক্ৰেইনৰ মাজত ৭ মাহতকৈ অধিক সময় ধৰি চলি থকা যুদ্ধত ৰাছিয়াৰ সৈন্যই ইউক্ৰেইনৰ কেইবাজনো সৈন্যক কাৰাগাৰত বন্দী কৰি ৰাখিছে।অলপতে ইয়াৰে ২১৫জনক মুকলি কৰি দিয়াৰ পিছত এগৰাকী সৈনিকৰ স্বাস্থ্যৰ অৱস্থাই বিশ্ববাসীক হতভম্ব কৰে।ইউক্ৰেইনৰ প্ৰতিৰক্ষা মন্ত্ৰালয়ে মাইখাইলো দিয়ানোভৰ ফটো টুইটাৰত শ্বেয়াৰ কৰিছিল আৰু তেওঁ দুৰ্বল আৰু মুখ আৰু বাহুত আঘাতপ্ৰাপ্ত হোৱা স্বত্বেও তেওঁক ভাগ্যৱান সকলৰ মাজৰ এজন বুলি অভিহিত কৰিছিল।কিয়েভ ইণ্ডিপেণ্ডেণ্ট নিউজ আউটলেটৰ মতে, ইউক্ৰেইনৰ আজভ ৰেজিমেণ্টৰ এজন সৈনিক মাইখাইলো দিয়ানোভ ২১ ছেপ্টেম্বৰত বন্দী বিনিময়ত হোৱা ২১৫ জন যুদ্ধবন্দীৰ ভিতৰত আছিল।ৰাছিয়াৰ পৰা মাৰিয়পোল বন্দৰ চহৰৰ এজভষ্টাল ষ্টীল প্ৰকল্প জব্দ কৰিবলৈ প্ৰেৰণ কৰা ২,০০০ সৈনিকৰ ভিতৰত দিয়ানোভ আছিল।কিন্তু মে মাহৰ মাজভাগত তেওঁলোক পৰাজিত হয় আৰু বন্দী হয়।তেওঁৰ ভগ্নী আলোনা লাভ্ৰুস্কোৱে জানিবলৈ দিয়ে যে দিয়ানোভ বৰ্তমান কিয়েভ সামৰিক চিকিৎসালয়ত আছে।য’ত তেওঁ গুৰুতৰ অৱস্থাত আছে আৰু তেওঁক দীৰ্ঘম্যাদী চিকিৎসাৰ প্ৰয়োজন হ’ব।তেওঁৰ ভায়েকৰ বাহুত থকা গুলীবোৰ এনাস্থেটিক অবিহনে, একো নোহোৱাকৈ, জং খোৱা প্লায়াৰ ব্যৱহাৰ কৰি” উলিয়াই অনা হৈছিল।ৰাছিয়াৰ বন্দীত্বত সন্মুখীন হোৱা অমানৱীয় পৰিস্থিতিৰ বাবে দিয়ানোভৰ বাহুত ৪ চেমি: হাড় নাই।মাত্ৰ ৪ মাহৰ বন্দিত্বৰ পিছত ৰাছিয়াই মুকলি কৰি দিয়া ইউক্ৰেইনৰ সৈনিক মাইখাইলো দিয়ানোভক কাৰাগাৰৰ পৰা মুকলি হোৱাৰ পিছত সৈনিকজনৰ চেহেৰাত হোৱা পৰিৱৰ্তনে সকলোকে আচৰিত কৰি তোলে।তেওঁৰ পূৰ্বৰ আৰু এতিয়াৰ ফটোৰ ইমানে পাৰ্থক্য আছিল যে তেওঁক চিনাক্ত কৰাটো কঠিন হৈ পৰে।দিয়ানোভৰ মুক্তিৰ পিছত ভাইৰেল হোৱা ফটোৱে ৰাছিয়াৰ সেনাৰ বৰ্বৰতা প্ৰকাশ কৰিছে বুলি চৰ্চা হৈছে।