ৰাজ্যিক বঁটাপ্ৰাপ্ত কৃতি শিক্ষক, সমাজকৰ্মী দ্বীপন শইকীয়াৰ দেহাৱসান
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড়ৰ খনিয়াগাওঁ নিবাসী, সমাজকৰ্মী, খনিয়াগাওঁ নামঘৰ পৰিচালনা সমিতিৰ প্ৰাক্তন সম্পাদক, খনিয়াগাওঁ শাখা সাহিত্য সভাৰ প্ৰতিষ্ঠাপক সভাপতি, ডিব্ৰুগড় জিলা মধ্য ইংৰাজী শিক্ষক সন্থাৰ প্ৰাক্তন সভাপতি, অসম চৰকাৰৰ ৰাজ্যিক পুৰস্কাৰপ্ৰাপ্ত কৃতি শিক্ষক, সদৌ অসম মধ্য ইংৰাজী শিক্ষক সন্থাৰ প্ৰাক্তন উপ সভাপতি, ডিব্ৰুগড় অভিযান বালিকা ইংৰাজী বিদ্যালয়ৰ অৱসৰী প্ৰধান শিক্ষক, দ্বীপেন শইকীয়াৰ আজি (৭-৮-২৪) বাৰ্ধক্যজনিত কাৰণত ৮৪ বছৰ বয়সত মৃত্যু হয়। মৃত্যুৰ সময়ত তেওঁৰ পৰিবাৰৰ উপৰিও এজন পুত্ৰ, এগৰাকী কণ্যা, বোৱাৰী আৰু নাতি নাতিনীসহ পৰিয়ালৰ অনেক আত্মীয়ক ইহ সংসাৰত এৰি যায়। তেওঁৰ শেষকৃত্য স্থানীয় চিৰিংচাপৰি শ্মশানত অনেক গুণমুগ্ধৰ উপস্থিতিত সম্পন্ন কৰা হয়।