ৰঙিয়াত দুৰ্ঘটনাত পতিত বৰযাত্ৰীৰ বাহন

ৰঙিয়াত দুৰ্ঘটনাত পতিত বৰযাত্ৰীৰ বাহন

ৰঙিলী বাৰ্ত্তাসেৱা- ৰঙিয়াত দুৰ্ঘটনাত পতিত বৰযাত্ৰীৰ বাহন। ৰঙিয়া ২৭নং ৰাষ্ট্ৰীয় ঘাইপথৰ বৰলীয়া নৈৰ দলঙৰ ৰেলিঙত প্ৰচণ্ড জোৰে খুন্দা বৰযাত্ৰীৰ বাহনখনে।নিশাৰ অন্ধকাৰত নিয়ন্ত্ৰণ হেৰুৱাই AS-15AA-3244 নম্বৰৰ আৰ্টিকা বাহনে বৰলীয়া নৈৰ ওপৰত থকা দলঙত খুন্দা মাৰে। দুৰ্ঘটনাটোত শিশু, মহিলাসহ ৭গৰাকীকৈ লোক গুৰুতৰভাৱে আহত হয়।আহত সকলৰ ভিতৰত আছে এটি শিশু, বাক্সা জিলাৰ ৰুমী নাথ (৩৯), চন্দ্ৰ কান্ত নাথ (৪০), পাটাছাৰকুছিৰ যোগেন চন্দ্ৰ দাস (৫৫), বজালীৰ জয়জান দাস (৫১), কামৰূপৰ বাণীকান্ত কলিতা (৪৬) আৰু মৰিগাঁৱৰ সৰুকণ শইকীয়া (৫৫)।এই দুৰ্ঘটনাটোৰ পিছতে বন্ধ হৈ পৰে গুৱাহাটী অভিমুখী ২৭নং ৰাষ্ট্ৰীয় ঘাইপথ। পিছত ঘটনাস্থলীত আৰক্ষী উপস্থিত হৈ গুৰুতৰভাৱে আহত আটাইকেইগৰাকীকে ৰঙিয়াৰ এখন ব্যক্তিগত চিকিৎসালয়ত ভৰ্তি কৰে।উল্লেখ্য যে, বৰপেটা জিলাৰ সৰুপেটাৰ পৰা দৰা কুশল দাসে বকোলৈ কইনা আনিবলৈ গৈ থকা অৱস্থাত দুৰ্ঘটনাত পতিত হয় বাহনখন।দুৰ্ঘটনা সংঘটিত হোৱা বাহনখনত নাছিল দৰা।