হেঙুলীয়া আকাশখনি…
অস্ত বেলিটিয়ে কৈ যায়
বাস্তৱৰ বহু জীয়া কাহিনী
কোনোৱে উভটিছে সপোন সামৰি
কোনোৱে আকৌ ভাগৰিছে
জীৱন যুঁজৰ নাটৰ আঁত ধৰি।
ঘৰমুৱা পখীৰ কোলাহল
সজীৱ কৰি তুলিছে এই আৱেলি।
সুমথিৰা ৰঙৰ
আকাশৰ তলত বহি
অস্ত বেলিটিলৈ চাই কোনোৱে
নিজকে নিজে কৈছে
নতুন এটি ৰাতিপুঁৱাৰ লগত হ’ব
আকৌ নতুন যাত্রাৰ আৰম্ভণি।
চুমিতা গগৈ
অষ্টম শ্ৰেণী
ৰবিগাঁও মধ্য ইংৰাজী বিদ্যালয়
টীয়ক,যোৰহাট