হাঁহি
প্ৰভাত বণিয়া
হাঁহিয়ে জীৱন হাঁহিত সৰে মানিকি মধুৰি
ইমূৰ সিমূৰ চলাথ কৰিলো
চম্পাৱতী তোমাক বিচাৰি জগতখন ঘূৰিলো
তোমাৰ হাঁহিত শেৱালী ফুলে
সুগন্ধত বুকু ভৰে
ফাগুন বনত ৰঙতে ৰাঙলী
বসন্তত হিয়ালি জিয়ালি
সেউজ সাজেৰে ৰূপহী যৌৱনমতী
হাঁহিত মণি-মুকতা সৰে
তুমি ৰোৱনী ভুই ৰুই থাকা
শাৰী শাৰী তোমাৰ হাতৰ সোণ পৰশত
হালেজালে শাওনৰ ৰিমঝিম পথাৰ
কুঁৱলীত ভিজা সোণালী আঘোণ
পকা সুমথিৰা ৰঙৰ আমোলমোল তুমি দাৱনী জাকত জিলিকা
তোমাৰ ফুলাম হাঁহিত সৰে সুগন্ধি সুৱাস
আমাৰ সপোনে প্ৰাণ পায়।