সম্পৰ্কবোৰ – জেফলিন চুলতানা

সাপ্ৰতিক সময়ত প্ৰায়বোৰ সম্পৰ্কই যেন

জলন্ত চিগাৰেটৰ কুণ্ডলী…!!

পকাই পকাই হেৰাই যোৱা ধূৱাৰ দৰেই …!!

সম্পৰ্কৰ স্বাৰ্থত এখোজ আগবাঢ়িলে

মানুহবোৰ দৌৰি দুখোজ দূৰ হয় ।

আধুনিকতাৰ নামত কেৱল যান্ত্ৰিকতা

এয়া কেনেধৰণৰ আধুনিকতা ?

আপোনালোকৰ এনে আধুনিকতাত

এচাম সহজ-সৰল মানুহে

ডায়েৰীৰ পৃষ্ঠাবোৰ লুটিয়াই

নিশাৰ আন্ধাৰৰ সুযোগ লৈ

নিসংগতাত কিমানে উচুপি কান্দে

এবাৰ উপলব্দি কৰেনে  ?

অধুনিকতাৰ নামত  যান্ত্ৰিকতা বিয়পোৱা মানুহবোৰ ।

ভুল জীৱনৰ এটি পৃষ্ঠা আৰু সম্পৰ্ক

জীৱনৰ এটি কিতাপ ।

আপোনালোকৰ ‌এনে আধুনিকতাৰ নামত ,

যান্ত্ৰিকতা বিয়পোৱাৰ বাবেই

কিমান মানুহে উজাগৰি নিশাত বেবেৰিবাং কবিতা ৰচে …!!

এবাৰ উপলব্দি কৰেনে ?

ধিক এনে বেবেৰিবাং কবিতা ।