শৰতৰ কুঁৱলী
ছেলিমা বেগম
নগাঁও
শৰতৰ পুৱাতে নীল আকাশত
ফুৰিছে বগা কুঁৱলী,
সাৱটি আছেই বুকুৰ মাজত
বগা চাদৰ ওলমি ।
বতাহৰ সতে কিয়নো ধেমালি
সৰি পৰে হে ওৰণী,
এটি এটি ছন্দ মুকুতা মানি হৈ
ধৰাৰ বুকুত উৰি ।
গছ, লতা, বন কুঁৱলীৰ মাজে
জীপাল হৈ উঠিছে ,
নিশাটো’তে ফুলা শেৱালি ফুল যে
কুঁৱলীৰ ভৰ নোৱাৰে ।
দোকমোকালিত মাটিৰ বুকুত
চিকমিকাই তুলিছে ,
কুঁৱলীৰ পানী মূৰত লৈ দুবৰি’য়ে
ৰামধেনুৰ ৰং সানিছে।
ঊষাৰ কিৰণ কুঁৱলীৰ ফাঁকে
পূবে গগণ বেদী ,
ৰবি শস্যৰ হে উপচি পৰিছে
আগফালে সৱে দেখি।