যান্ত্ৰিকতাৰ যুগ
আয়নাল হক, ধুবুৰী
তুমি কাকো নক’বা
আশা ভংগ হোৱাৰ কথা
আৰু নুসুধিবাও
তোমাৰ পথৰ ঠিকনা।
যান্ত্ৰিকতাৰ যুগ —!
কাৰো সময় নাই
তোমাক উচিত পৰামৰ্শেৰে উপকৃত কৰিবলৈ।
আত্ম-নিৰ্ভৰশীল হৈ
পৰিস্থিতিক নিজৰ দাস কৰা।
ধুমুহা আহিবই জীৱন বাটত
সেইবুলি ভয়াতুৰ হৈ
হেৰুৱাবা নেকি জীৱনৰ প্ৰকৃত পথ ?
সাহসী হোৱা–
আত্ম-ৰক্ষাৰ বাবে,
সম্পদৰ দিনত সকলোকে পালা বুলি
বিপদৰ দিনত পোৱাৰ আশা
মনলৈ ভুলতেও নানিবা।
দুৰ্বলতাক প্ৰশ্ৰয় নিদি
আত্ম-বিশ্বাসৰ সোপান গঢ়ি
আগবাঢ়া জীৱন পথত।
জয় তোমাৰেই হ’ব
মাথোঁ ধৈৰ্যচ্যুত নহ’বা…।