মিছেছ ইণ্ডিয়া ইন্টাৰনেচনেল ৱৰ্ল্ডৰ খিতাপ অর্জন মনালিছা হাজৰিকাৰ
ৰঙিলী বাৰ্ত্তাসেৱা- পুনৰ ৰাষ্ট্ৰীয় পৰ্যায়ত উজলি উঠিবলৈ সক্ষম হৈছে অসম কন্যা। যোৰহাটৰ জীয়াৰী মনালিছা হাজৰিকাই লাভ কৰিছে মিছ ইণ্ডিয়া ইণ্টাৰনেচনেল ৱৰ্ল্ড ২০২৪ৰ খিতাপ। জয়পুৰত অনুষ্ঠিত মিছেছ ইণ্ডিয়া আই এন চি প্রতিযোগিতাত সফলতা লাভ কৰা দুই সন্তানৰ মাতৃ মনালিছা বর্তমানে গুৰাগাঁওস্থিত এটা কোম্পানীৰ এইচ আৰ হিচাপে কৰ্মৰত। এখন সংবাদ মেলত অৰ্জন কৰা সফলতাৰ কথা বিশেষভাৱে প্রকাশ কৰে অসম কন্যাগৰাকীয়ে। অসম তথা উত্তৰ-পূৰ্বাঞ্চলত যে প্ৰতিভাৰ অন্ত নাই সেই কথা ব্যক্ত কৰি তেওঁ কয় যে বিবাহৰ পিছতো সকলো প্রত্যাহ্বানক নেওচি নিজৰ প্ৰতিভা বিকশিত কৰাৰ উদাহৰণ অসমত বহুতো আছে। উল্লেখ্য যে ২০২৫ত মালয়েছিয়াত অনুষ্ঠিত হ’বলগীয়া মিছেছ ইণ্টাৰনেচনেলত তেওঁ ভাৰতক প্রতিনিধিত্ব কৰিব।