মাজুলী জিলা মাধ্যমিক শিক্ষক কৰ্মচাৰী সন্থাৰ অধিৱেশন ; সন্থাৰ মুখপত্ৰ “জ্ঞান প্ৰবাহ” উন্মোচন
বিকাশ শইকীয়া, মাজুলী,ৰঙিলী বাৰ্ত্তাসেৱা- মাজুলী জিলা মাধ্যমিক শিক্ষক কৰ্মচাৰী সন্থাৰ ষষ্ঠদশ দ্বি- বাৰ্ষিক অধিৱেশনখন আজি দিনজোৰা কাৰ্যসূচীৰে গড়মূৰ শ্ৰীশ্ৰী পীতাম্বৰ দেৱ উচ্চতৰ মাধ্যমিক বিদ্যালয়ত অনুষ্ঠিত হয়। এই উপলক্ষে পুৱা পৰিৱেশ নিকাকৰণৰ পাছত ৮.৩০ বজাত মাজুলী জিলা মাধ্যমিক শিক্ষক কৰ্মচাৰী সন্থাৰ পতাকা উত্তোলন কৰে জিলা মাধ্যমিক শিক্ষক কৰ্মচাৰী সন্থাৰ সভাপতি প্ৰশান্ত দোলাকাষৰীয়াই । গড়মূৰ শ্ৰীশ্ৰী পীতাম্বৰ দেৱ উচ্চতৰ মাধ্যমিক বিদ্যালয়ৰ পতাকা উত্তোলন কৰে বিদ্যালয়ৰ অধ্যক্ষ কুমুদ গোস্বামীয়ে । তাৰপিছত গছপুলি ৰোপণ কৰে অৱসৰপ্ৰাপ্ত অধ্যক্ষা ৰেণুমালা দত্তই । স্মৃতি তৰ্পণ কৰে সন্থাৰ সম্পাদক লোহিত শইকীয়াই। দহ বজাৰ পৰা আৰম্ভ হোৱা প্ৰতিনিধি সভা উদ্বোধন কৰে অতিৰিক্ত জিলা আয়ুক্ত ড০ ভৰত কোঁৱৰে। নিজৰ উদ্বোধনী ভাষনত ড০ কোঁৱৰে এখন সুন্দৰ সমাজ গঠনত শিক্ষক সমাজক আগভাগ ল’বলৈ আহ্বান জনায়। প্ৰতিনিধি সভাত আগন্তুক দুবছৰীয়া কাৰ্যকালৰ বাবে প্ৰশান্ত দোলাকাষৰীয়াক সভাপতি, লোহিত শইকীয়াক সম্পাদক, ৰাজীৱ দত্ত ভূঞাক ৰাজ্যিক সমিতিৰ সদস্য হিচাপে লৈ ২১ জনীয়া সদস্যৰে মাজুলী জিলা মাধ্যমিক শিক্ষক কৰ্মচাৰী সন্থাৰ নতুন সমিতি গঠন কৰা হয়।
দুপৰীয়া এক বজাৰ পৰা আৰম্ভ হোৱা মুকলি সভা আঁত ধৰে গড়মূৰ শ্ৰীশ্ৰী পীতাম্বৰ দেৱ উচ্চ মাধ্যমিক বিদ্যালয়ৰ শিক্ষক বিবেক দত্তই । প্ৰশান্ত দোলাকাষৰীয়াই সভাপতিত্ব কৰা মুকলি সভাখন গড়মূৰ শ্ৰীশ্ৰী পীতাম্বৰ দেৱ উচ্চ মাধ্যমিক বিদ্যালয়ৰ ছাত্ৰ-ছাত্ৰীসকলে পৰিৱেশন কৰা সমবেত বৰগীতেৰে শুভাৰম্ভ কৰা হয়। মুকলি সভাখন জ্ঞান গম্ভীৰ বক্তৃতাৰে উদ্বোধন কৰে মাজুলী আউনীআটী হেমচন্দ্ৰ উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ তথা বিশিষ্ট শিল্পী ড০ কৰুণা বৰাই । মুকলি সভাতে মাজুলী জিলা মাধ্যমিক শিক্ষক কৰ্মচাৰী সন্থাৰ মুখপত্ৰ কমল দত্তৰ সম্পাদনাত প্ৰকাশিত “জ্ঞান প্ৰবাহ” মাজুলী মহাবিদ্যালয়ৰ অধ্যক্ষ ড০ দেৱজিত শইকীয়াই উন্মোচন কৰে।
অনুষ্ঠানত বিশিষ্ট অতিথি হিচাপে মাজুলী জিলা যুৱ ছাত্ৰ পৰিষদৰ সভাপতি মুনিন্দ্ৰ ভূঞা, মাজুলী জিলা টি এম পি কে’ৰ সভাপতি পবিত্ৰ পাটিৰ, মাজুলী জিলা মাধ্যমিক শিক্ষক কৰ্মচাৰী সন্থাৰ প্ৰাক্তন সভাপতি টংকেশ্বৰ ভূঞা, নীলকান্ত নাথ , অভ্যৰ্থনা সমিতিৰ সভাপতি জিতেন ডেকা , মাজুলী জিলা হাইস্কুল শিক্ষক সন্থাৰ সম্পাদক সঞ্জীৱ কুমাৰ দত্ত, গড়মূৰ শ্ৰীশ্ৰী পীতাম্বৰ দেৱ উচ্চতৰ মাধ্যমিক বিদ্যালয়ৰ অধ্যক্ষ কুমুদ গোস্বামী আদিয়ে ভাষন প্ৰদান কৰে।
অভ্যৰ্থনা সমিতিৰ সভাপতি জিতেন ডেকাই আদৰণী ভাষণ দিয়া সভাখনিত গড়মূৰ শ্ৰীশ্ৰী পীতাম্বৰ দেৱ উচ্চতৰ মাধ্যমিক বিদ্যালয়ৰ ছাত্ৰ-ছাত্ৰীসকলে সাংস্কৃতিক অনুষ্ঠান পৰিৱেশন কৰে। মুকলি সভাত ২০২১ চনৰ অক্টোবৰ মাহৰ পৰা ২০২৪ চনৰ ছেপ্টেম্বৰ মাহলৈকে মাজুলীৰ অৱসৰ গ্ৰহণ কৰা শিক্ষক কৰ্মচাৰীসকলক সম্বৰ্ধনা জনোৱা হয় । অনুষ্ঠানটিৰ শলাগ জ্ঞাপন কৰে সন্থাৰ সম্পাদক লোহিত শইকীয়াই।