মাজুলীৰ পীতাম্বৰদেৱ গোস্বামী জ্যেষ্ঠ মাধ্যমিক বিদ্যালয়ত বিদ্যাৰম্ভ

বিকাশ শইকীয়া, মাজুলী, ৰঙিলী বাৰ্ত্তাসেৱা- মাজুলীৰ আগশাৰীৰ শিক্ষানুষ্ঠান পীতাম্বৰদেৱ গোস্বামী জ্যেষ্ঠ মাধ্যমিক বিদ্যালয়ত উচ্চতৰ মাধ্যমিক প্ৰথম বৰ্ষৰ বিদ্যাৰম্ভ উৎসৱ পালন কৰা হয়। পুৱা সাত বজাত চলিত বৰ্ষত উচ্চতৰ মাধ্যমিক প্ৰথম বৰ্ষত নামভৰ্তি কৰা ছাত্ৰ ছাত্ৰীসকলক প্ৰথমে আনুষ্ঠানিক ভাৱে বিদ্যালয়ৰ শ্ৰেণীকোঠালৈ আদৰণী জনোৱা হয়। তাৰপিছত বিদ্যালয়ৰ প্ৰথম বৰ্ষৰ শ্ৰেণীকোঠাত এক বিদ্যাৰম্ভ উৎসৱ উদযাপন কৰা হয়। সামূহিক প্ৰাৰ্থনাৰে আৰম্ভ হোৱা অনুষ্ঠানত বন্তি প্ৰজ্বলনৰে উক্ত বিদ্যাৰম্ভ অনুষ্ঠান শুভাৰম্ভ কৰে বিদ্যালয়ৰ অৱসৰপ্ৰাপ্ত তথা প্ৰতিষ্ঠাপক অধ্যক্ষ ঘনকান্ত নাথে । প্ৰৱক্তা যদু কলিতাই আঁত ধৰা উক্ত বিদ্যাৰম্ভ অনুষ্ঠানত নৱাগত ছাত্ৰ-ছাত্ৰী সকলক উদ্দেশ্য কৰি আদৰণী ভাষণ দিয়ে বিদ্যালয়ৰ অধ্যক্ষ অজিত সভাপণ্ডিতে। অধ্যক্ষ সভাপণ্ডিতে ছাত্ৰ ছাত্ৰীসকলক বিদ্যালয়ৰ ৰীতি-নীতি সন্দৰ্ভত ব্যাখ্যা আগবঢ়ায়। অনুষ্ঠানত ছাত্ৰ-ছাত্ৰীক উদ্দেশ্যি সুন্দৰ অনুপ্ৰেৰণামূলক ভাষনৰে বিদ্যাৰম্ভ অনুষ্ঠান শুভাৰম্ভ কৰে প্ৰতিষ্ঠাপক অধ্যক্ষ ঘনকান্ত নাথে। অনুষ্ঠানত সকলো শিক্ষক- শিক্ষয়িত্ৰীক নতুন ছাত্ৰ ছাত্ৰীসকলৰ মাজত চিনাকি কৰা হয়। উক্ত বিদ্যাৰম্ভ অনুষ্ঠানত প্ৰথমটো পাঠদান কৰে সমাজ শাস্ত্ৰ বিষয়ৰ জ্যেষ্ঠ প্ৰৱক্তা গজেন বৰাই । অনুষ্ঠানত বিদ্যালয়ৰ সমূহ শিক্ষক শিক্ষয়িত্ৰী আৰু ছাত্ৰ ছাত্ৰীয়ে অংশগ্ৰহণ কৰে।