মাজুলীত জিলা কংগ্ৰেছৰ উদ্যোগত নেত্ৰী ছোনীয়া গান্ধীৰ জন্মদিনৰ লগতে জিলা কংগ্ৰেছ আৰু উজনি মাজুলী ব্লক কংগ্ৰেছৰ কাৰ্যনিৰ্বাহক সভা সম্পন্ন

বিকাশ শইকীয়া, মাজুলী,ৰঙিলী বাৰ্ত্তাসেৱা- মাজুলী জিলা কংগ্ৰেছৰ উদ্যোগত প্ৰাক্তন ইউ পি এৰ অধ্যক্ষা তথা ৰাজ্য সভাৰ সাংসদ ছোনিয়া গান্ধীৰ জন্মদিন উদযাপনৰ লগতে জিলা কংগ্ৰেছৰ কাৰ্যনিৰ্বাহক সভা অনুষ্ঠিত হয় ৰাজীৱ ভৱন গড়মূৰত। সভাত ছোনিয়া গান্ধীৰ জন্ম দিনৰ উপলক্ষে কেক কাটি জন্মদিনৰ শুভেচ্ছা জনোৱাৰ লগতে তেখেতৰ কৰ্মজীৱন আৰু জনতাৰ প্ৰতি থকা দায়বদ্ধতাৰ আগ্ৰহৰ ওপৰত পৰ্যালোচনা কৰি “খাদ্য সুৰক্ষা আৰু কৰ্ম সুৰক্ষা (MGNREGA), আত্ম-সহায়ক গোট আৰু মহিলা  সৱলীকৰণৰ প্ৰভাৱৰ” ওপৰত ছোনীয়া গান্ধীৰ অৰিহণাৰ বিষয়ে আলোচনা কৰে। জিলা কংগ্ৰেছৰ প্ৰশাসানিক সাধাৰণ সম্পাদক দেৱকান্ত দাসে আঁত ধৰা সভাখনি সঞ্চালনা কৰে জিলা কংগ্ৰেছৰ সভাপতি কোষেশ্বৰ বৰাই । সভাৰ আলোচনা বিষয়ৰ ওপৰত বক্তব্য আগবঢ়ায় তিতাবৰ বিধান সভা সমষ্টিৰ বিধায়ক ভাস্কৰ বৰুৱা আৰু প্ৰাক্তন মন্ত্ৰী ৰাজীৱ লোচন পেগুৱে। জন্মদিন উদযাপনৰ লগে লগে কোষেশ্বৰ বৰাৰ সভাপতিত্বত জিলা কংগ্ৰেছৰ কাৰ্যনিৰ্বাহক সভা অনুষ্ঠিত হয়। সভাত জিলা কংগ্ৰেছৰ বিভিন্ন আভ্যন্তৰীণ সাংগঠনিক বিষয়ৰ লগতে অহা ১৭ ডিচেম্বৰ তাৰিখে সংবিধান দিৱসৰ কাৰ্যসূচী পালনৰ বাবে মাজুলীলৈ অসম প্ৰদেশ কংগ্ৰেছ কমিটীৰ সভাপতি ভূপেন বৰা আহিব লগা কাৰ্যসূচীৰ ওপৰত আলোচনা কৰে। একেদৰে উজনি মাজুলী ব্লক কংগ্ৰেছৰ সভাপতি মহেন্দ্ৰ শইকীয়াৰ সভাপতিত্বত জেংৰাইমুখ ৰাজীৱ ভৱনত এখন ব্লক কংগ্ৰেছৰ কাৰ্যনিৰ্বাহক সভা অনুষ্ঠিত হয়। সভাৰ আঁত ধৰে ব্লক কংগ্ৰেছৰ প্ৰশাসানিক সাধাৰণ সম্পাদক জিতুমন বৰাই । দুয়োখন সভাতে অসম প্ৰদেশ কংগ্ৰেছৰ সম্পাদক তথা মাজুলী জিলা কংগ্ৰেছৰ তত্ত্বাৱধায়ক মেঘনাথ চেত্ৰী , সামাজিক মাধ্যমৰ অসম প্ৰদেশৰ সাধাৰণ সম্পাদক তথা মাজুলী জিলা কংগ্ৰেছৰ সামাজিক মাধ্যমৰ তত্ত্বাৱধায়ক গুলজাৰ হুছেইন,অসম প্ৰদেশ কংগ্ৰেছৰ সম্পাদক বিষ্ণুকমল পায়েং, প্ৰাক্তন মন্ত্ৰী ৰাজীৱ লোচন পেগু, জিলা কংগ্ৰেছৰ উপসভাপতি ক্ৰমে ৰামেশ্বৰ দলে,জীৱন দলে , অমল পূজাৰী, ৰানা পাংগিং, মাজুলী ব্লক কংগ্ৰেছৰ সভাপতি লক্ষ্য গায়ন, উজনি মাজুলী ব্লক কংগ্ৰেছৰ সভাপতি মহেন্দ্ৰ শইকীয়া , জিলা আৰু ব্লকৰ সাধাৰণ সম্পাদক-সম্পাদক সকল, ব্লকৰ উপ-সভাপতি সকল , জিলা মহিলা কংগ্ৰেছৰ সভানেত্ৰী কমলালক্ষী পগাগ, জিলা যুৱ কংগ্ৰেছৰ সভাপতি টিংকু পাটিৰ, জিলা এন.এছ.ইউ.আইৰ সভাপতি অমিয় পগাগ, উজনি মাজুলী ব্লক মহিলা কংগ্ৰেছৰ সভানেত্ৰী স্বপ্না পেগু ,সামাজিক মাধ্যমৰ জিলা অধ্যক্ষ জীৱেশ্বৰ গাম, জিলা কংগ্ৰেছৰ মিডিয়া বিভাগৰ অধ্যক্ষ প্ৰণৱজ্যোতি বাৰিক আদি উপস্থিত থাকি সাংগঠনিক বক্তব্য ৰাখে।