মাজুলীটো সমষ্টি পৰ্যায়ৰ খেল মহাৰণ ২.০ ৰ প্ৰতিযোগীতাৰ শুভাৰম্ভ
বিকাশ শইকীয়া, মাজুলী,ৰঙিলী বাৰ্ত্তাসেৱা- ৰাজ্যখনৰ অনান্য জিলা সমূহৰ দৰে মাজুলী জিলাতো মাজুলী জিলা প্ৰশাসনৰ উদ্যোগত আৰু জিলা ক্ৰীড়া বিষয়াৰ সহযোগত জেংৰাইমুখ হাই স্কুল খেলপথাৰত সমষ্টি পৰ্যায়ৰ খেল মহাৰণ ২.০ ৰ প্ৰতিযোগীতাৰ শুভ উদ্বোধনী অনুষ্ঠান অনুষ্ঠিত হয় । মুখ্য অতিথি ৰূপে উপস্থিত থাকি স্হানীয় বিধায়ক ভুৱন গামে প্ৰতিযোগিতা সমূহৰ শুভ উদ্বোধন কৰে। অনুষ্ঠানটিত জিলা আয়ুক্ত ৰাতুল চন্দ্ৰ পাঠক সন্মানীয় অতিথি ৰূপে উপস্থিত থকাৰ লগতে বহু কেইজন গণ্য মান্য ব্যক্তি উপস্থিত থাকে।
অহা 22 ডিচেম্বৰ তাৰিখলৈ অনুষ্ঠিত হ’বলগীয়া এই প্ৰতিযোগীতাৰ প্রথম পৰ্যায়ত লৰা আৰু ছোৱালী উভয়ৰে এথলেটিক্স, কাবাডী আৰু ডবা প্ৰতিযোগিতা অনুষ্ঠিত হয়। আজিৰ এই প্ৰতিযোগিতাত এথলেটিক্সত উভয়ৰে মুঠ ৭৫৬, কাবাডীত ৪৫৪, ডবাত ৩২ জন প্ৰতিযোগীয়ে অংশ গ্ৰহণ কৰে। অহা ১৯ ডিচেম্বৰৰ পৰা 22 ডিচেম্বৰ লৈকে গড়মুৰ মিনি ষ্টেডিয়ামত দ্বিতীয় পৰ্যায়ত ক্ৰমে ল’ৰা আৰু ছোৱালীৰ ফুটবল আৰু ভলীবল প্ৰতিযোগিতাৰ লগতে পৰম্পৰাগত চাইকেল চলোৱা প্ৰতিযোগীতা অনুষ্ঠিত হ’ব।