মহানগৰ জিলা সাহিত্য সভাৰ সম্পাদক দীপাংকৰ ৰায়মেধিলৈ নৱাৰুণ শাখা সাহিত্য সভাৰ সম্বৰ্ধনা
ৰঙিলী বাৰ্ত্তাসেৱা- মহানগৰীৰ হাতীগাঁৱৰ শতদল নৱাৰুণ শাখা সাহিত্য সভাই আজি এক বিশেষ অনুষ্ঠানৰ আয়োজন কৰি কামৰূপ মহানগৰ জিলা সাহিত্য সভাৰ নৱ-নিৰ্বাচিত সম্পাদক দীপাংকৰ ৰায়মেধিক সম্বৰ্ধনা জনায়। হাতীগাঁও হাইস্কুলত অনুষ্ঠিত শাখাটোৰ প্ৰাক্তন সম্পাদক তথা জিলা সাহিত্য সভাৰ নৱ-নিৰ্বাচিত সম্পাদকজনক সম্বৰ্ধনা জনোৱা এই অনুষ্ঠানটিত সভাপতিত্ব কৰে নৱাৰুণ শাখা সাহিত্য সভাৰ সভাপতি অনিল কলিতাই। লেখক সাংবাদিক আজিজুৰ ৰহমান শইকীয়াই আঁত ধৰা অনুষ্ঠানটি চিৰ চেনেহী মোৰ ভাষা জননী শীৰ্ষক আৰম্ভণি গীতেৰে শুভাৰম্ভ কৰা হয়। উদ্দেশ্য ব্যাখ্যা কৰে সম্পাদক জ্যোতি কলিতা ডেকাই। অনুষ্ঠানটিত শৰাই, গামোচা, চেলেং চাদৰ, সম্বৰ্ধনা পত্ৰ আদিৰে দীপাংকৰ ৰায়মেধিক সম্বৰ্ধনা জনোৱা হয়। এই অনুষ্ঠানৰ সৈতে সংগতি ৰাখি নৱাৰুণ শাখা সাহিত্য সভাৰ মাহেকীয়া লেখা পাঠ অনুষ্ঠানটিও অনুষ্ঠিত হয়। কামৰূপ জিলা সাহিত্য সভাৰ প্ৰাক্তন সভাপতি সভাপতি, লেখক ধীৰেন শৰ্মাৰ সঞ্চালনাত অনুষ্ঠিত অনুষ্ঠানত বিভিন্ন বিষয়ৰ লেখা পাঠ কৰে অঞ্জনা দাস হাজৰিকা, বৰ্ণালী বৰা বৈশ্য, মিনা দাস বৰুৱা,আজিজুৰ ৰহমান শইকীয়া,প্ৰতিভা শৰ্মা, নৃপেন্দ্ৰনাথ ঠাকুৰীয়া, নিজৰা জন্নত, গজেন্দ্ৰনাথ হালৈ, দীপাংকৰ ৰায়মেধি, নলীন চন্দ্ৰ বৰা, গিৰীশ চন্দ্ৰ ডেকা, ধীৰেন শৰ্মা, কল্যাণ কুমাৰ শৰ্মা, নিহাৰেন্দ্ৰ ঠাকুৰীয়া, মণিৰাম দাস, প্ৰমোদা দেৱী, জোনমণি বৰা, বিজু দাস, যুতিকা গোস্বামী, কামনা বৰুৱা কলিতা আৰু নীলিমা তালুকদাৰ ডেকা আদিয়ে। এই অনুষ্ঠানত শতদল নৱাৰুণ শাখা সাহিত্য সভাৰ উপ-সভাপতিদ্বয় কুদ্দুচ আলী আৰু দিব্যজ্যোতি ডেকা, প্ৰাক্তন সভাপতি মণিৰাম দাস,গিৰীশ ডেকা, ভাস্বতী কলিতা প্ৰমুখ্যে ভালেমান বিশিষ্ট ব্যক্তি উপস্থিত থাকে। অনুষ্ঠানৰ ব্যৱস্থাপনাত সহায় আগবঢ়ায় তিলক ডেকাই। সংগীতানুষ্ঠান পৰিৱেশন কৰে যুতিকা গোস্বামী, বিজু দাস আৰু নীলিমা ডেকা তালুকদাৰে। অসম সংগীতেৰে অনুষ্ঠানৰ সামৰণি পৰে।