মনৰ বতৰা
ড° ৰমেশ কুমাৰ কাকতি
উত্তৰ লক্ষীমপুৰ,লক্ষীমপুৰ
(১)
বুকুত কাঁইটে বিন্ধিছে,
বিন্ধক…
উলিয়াই নিদিবা,
অকণমান বিষালেই মনত পৰিব
এৰি অহা অতীতৰ সকলো ঘটনা৷
(২)
পথ মসৃণ নোহোৱা বাবেই
ভৰিৰ আঙুলি ক্ষত-বিক্ষত কৰি
যন্ত্ৰণাই শিকালে জীৱন মানে কি?
(৩)
আয়ে শিকোৱাই নাছিল
দুখৰ দিনৰ যন্ত্ৰণাবোৰ
এমোকোৰা হাঁহিৰে ঢাকিবলৈ৷
(৪)
আঁউসীৰ এন্ধাৰেৰে পোহৰক জানো
পূৰ্ণাহুতি দিব পাৰে?
প্ৰতিপদ তিথিতে জোন জিলিকে৷