ভেনিজুৱেলাৰ এথলীট য়ুলিমাৰ ৰʼজাছৰ মহিলাৰ ত্ৰিপল জাম্পত বিশ্বাভিলেখ
অনলাইন বাৰ্ত্তাসেৱা- টকিঅʼ অলিম্পিকৰ এথলেটিকছত প্ৰথমটো বিশ্ব অভিলেখ গঢ়ে ভেনিজুৱেলাৰ এথলীট য়ুলিমাৰ ৰʼজাছে। য়ুলিমাৰ ৰʼজাছে এই অভিলেখ গঢ়ে মহিলাৰ ত্ৰিপল জাম্পত। তেওঁ কেৱল স্বৰ্ণ পদক অৰ্জন কৰাই নহয়, স্থাপন কৰিলে এক নতুন বিশ্ব অভিলেখ। ত্ৰিপল জাম্পৰ ফাইনেলত ষষ্ঠ তথা চূড়ান্ত জাম্প তেওঁ শেষ কৰে ১৫.৬৭ মিটাৰত। ইয়াৰ পূৰ্বে মহিলাৰ ত্ৰিপল জাম্পৰ অভিলেখ আছিল ইউক্ৰেইনৰ এথলীট ইনেছা ক্ৰাভেটছে ১৯৯৫ চনত ১৫.৫০ মিটাৰ জঁপিয়াই এই বিশ্ব অভিলেখ গঢ়ি থৈছিল।
(R.T)