বিভেদৰ বীজ – দুলুমণি দেৱী 

নিজৰ ৰাস্তাত সঠিকমতে কাম কৰিব বিচাৰিলেও সন্মুখত এনে কিছুমান প্রত্যাহ্বান আহি পৰে যে সেইবিলাক অতিক্রম কৰিবলৈ হ’লে নিজৰ স্থিতি সবল কৰিবলগা হয়৷ সমাজত যেতিয়া যিকোনো ভাল  কাম কৰিবলৈ যোৱা হয় পিছফালে টনা মানুহৰ সংখ্যাও যথেষ্ট ওলায় ,কিন্তু সেইচাম মানুহক চিনি পোৱাটো অতি জটিল কাম৷ কাৰণ তেওঁলোকে মুখৰ আগত মিঠা মাতেই দি থাকি‌ব ,ভিতৰি কিন্তু বিভেদৰ বীজ সিঁচে ৷সমাজত আমি জানো যে দুটা দিশ থাকেই ভাল আৰু বেয়া৷ঠিক তেনেকৈ মানুহৰ মাজতো এচাম ভাল মানুহ ,এচাম বেয়া মানুহ থাকে বুলি শুনি থাকো৷সেই শুনাখিনি যেতিয়া বাস্তৱত জীৱনৰ কিছুমান দিশত কাম কৰিবলৈ যাওঁতে আহি পৰে তেতিয়া তেওঁলোকক চিনাক্ত কৰাও সহজ হৈ পৰে ৷ অন্যহাতে প্রত্যাহ্বান সৃষ্টি কৰিবলৈ বাট চাই থকাও এচাম ব্যক্তি আছে যি নেকি অতি চতুৰ ৷ সেই চতুৰ ব্যক্তিসকলে আঁৰত থাকি কাম কৰে ৷আৰু সেইচামে খুউৱ ধুনীয়াকৈ মগজুৰ খেল খেলিব জানে ৷ সেই চতুৰ ব্যক্তিসকলে সহজ সৰল লোকৰ সৰলতাৰ সুযোগ বৰ ধুনীয়াকৈ লব জানে৷ তেওঁলোকে ইমান কৌশলেৰে মগজুৰ খেল খেলি সুবিধা আদায় কৰিব কোনোৱে পাত্তাই নাপায় ৷ আৰু এটা তেওঁলোকৰ স্বভাৱ আছে নিজে তেওঁলোকে সমাজৰ  সকলোৰে লগত খুউৱ মিলাপ্রীতিয়ে থাকে আনক কিন্তু বেয়া বদনাম দিবলৈ ,বেয়া কৰিবলৈ উঠি পৰি লাগে,সেইসকল ব্যক্তিৰ পৰা অতি সাৱধান হোৱা উচিত৷

ভাল গছপুলি এটা ৰুলে যেনেকৈ লতা ,ঘাঁহ বনে আৱৰি ধৰে পুলিটো লহপহকৈ বাঢ়িব খুজিলেও কষ্ট পায় ঠিক তেনেকৈ ভাল কাম এটা কৰিবলৈ গলেও এচামে বদনাম ৰচনাত বর্তী হবলৈ বিচাৰে ৷ গতিকে শীতল মগজুৱে তেনে চাম মানুহৰ কর্মক জয় কৰিব লাগিব I ভাল মানুহৰ সান্নিধ্যৰ দ্বাৰা নিজক জয় কৰিব লাগিব৷