বাও মৰ্চা (চি পি আই, চি পি আই এম, চি পি আই এম এল)ৰ আলোচনা সভা
ৰঙিলী বাৰ্ত্তাসেৱা- গুৱাহাটীৰ হেদায়েৎপুৰস্থিত চি পি আই এমৰ মুখ্য কাৰ্যালয়ত দলীয় কাৰ্য কলাপ সংক্ৰান্তত এখন ৰূদ্ধদাৰ আলোচনা সভা অনুষ্ঠিত হয়। উক্ত বৈঠকত চি পি আইৰ সভাপতি কনক গগৈ, প্ৰাক্তন সভাপতি মুনিন মহন্ত, চি পি আই এমৰ বিধায়ক মনোৰঞ্জন তালুকদাৰ, সম্পাদক সুপ্ৰকাশ তালুকদাৰ,মুখপাত্ৰ ইছফাকুৰ ৰহমান, চি পি আই এম এলৰ কেন্দ্ৰীয় কমিটীৰ সদস্য পংকজ দাস ,আইচাৰ ৰাজ্যিক সম্পাদক সুব্ৰত তালুকদাৰকে আদি কৰি প্ৰায় ১৫ জন কৰ্মকৰ্তা উপস্থিত আছিল। জানিব পৰা যায় যে উক্ত বৈঠকত বিহালি বিধান সভা উপ নিৰ্বাচনত বাও মৰ্চাই চি পি আই এম এলৰ লগতে বঙাইগাঁও বিধান সভা সমষ্টিৰ উপ নিৰ্বাচনত চি পি আই এমক পূৰ্ণ সমৰ্থন দিব, লগতে ২০২৬ চনৰ বিধান সভা নিৰ্বাচনত বাও মৰ্চাই নিৰ্বাচন খেলিব। সেয়েহে সকলো দলীয় কৰ্মী সদস্য সদস্যাক তথা বিষয় ববীয়াক জনসাধাৰণৰ লগত সু সম্পৰ্ক ৰাখি দলক শক্তিশালী কৰাৰ বাবে আহ্বান জনায়।