প্ৰাৰ্থনা
ভাস্কৰ প্ৰিয়ম হাজৰিকা,কৰচুং সত্ৰ
১
সেইদিনা সন্ধিয়া নামিছিল..
ৰান্ধনি বেলিৰ সেন্দুৰীয়া হাঁহি।
সন্ধিয়াটো অলপ সুকীয়া আছিল
জী উঠা ভালপোৱাৰ অবিৰত প্ৰাৰ্থনা।
আইয় বুকুত বাগৰে শত আৰাধনা
কুশলে থাকক নদী ভালপোৱা মানুহকেইটা।
২
প্ৰাৰ্থনাত জী উঠে হাজাৰ চকুপানী
প্ৰাপ্তিৰ পৰা অপ্ৰাপ্তিৰ হৃদয়ৰ কাহিনী।
শেতাঁ পৰা ওঁঠত বৈ অহা
হৃদয়ৰ আকুল আহ্বান।
ভালে থকা আৰু ভালপোৱাৰ
মৌন আৱেগৰ বেদনা।
৩
প্ৰাৰ্থনা মানে শক্তি
জীৱন যুদ্ধৰ সফলতাৰ বনৌষধি।
দুচকুত বৈ অহা পৱিত্ৰ অশ্ৰুধাৰা
মন মোৰ ফুলৰ দৰে সুকোমল।
এইয়া মোৰ হৃদয়ত দিগবিজয়ৰ
মংগল জয়ধ্বনি।
৪
সময়ৰ গতিত
প্ৰাৰ্থনাৰ তালিকাখন দীঘল হয়।
নদী ভালপাওঁ বাবে
আকাশৰ ঠিকনা বিচাৰো।
আইয় মুখত বৈ অহা
সতেজ সন্ধিয়াটোৰ দৰে।