প্ৰদূষণ তথা বায়ু প্ৰদূষণৰ পৰিণতি
জ্যোতিস্মিতা গোস্বামী শৰ্মা
ৰাসায়নিক পদাৰ্থ, পদাৰ্থ কণা, অনুজীৱ আদিৰ দৰে হানিকৰ দ্ৰব্যসমূহ বায়ু, পানী আৰু মাটিত প্ৰৱেশ কৰাৰ ফলত সিহঁতৰ স্বাভাৱিক গুণাগুণ বিনষ্ট হয় । এই হানিকাৰক দ্ৰব্যৰ দ্বাৰা পৰিৱেশ বিনষ্ট হোৱা প্ৰক্ৰিয়াক প্ৰদূষণ বোলে।
বায়ু প্ৰদূষণৰ ফলত নানা ধৰণৰ সমস্যাৰ সৃষ্টি হয়। ইয়াৰ পৰিণতি অতি ভয়াবহ। ইয়াৰ কেইটামান উদাহৰণ এনেধৰণৰ –
ক) বায়ু প্ৰদূষণ হ’লে মানুহৰ স্বাস্থ্যৰ ক্ষতি হয়। মানু্হ শ্বাস – প্ৰস্বাস আদি ৰোগত ভোগে।
খ) ই কিছুমান উদ্ভিদৰ ক্ষতি সাধন কৰি সেই উদ্ভিদৰ খাদ্য – শস্য নষ্ট কৰে।
গ) বায়ু প্ৰদূষণৰ ফলত সৃষ্টি হোৱা এচিড বৰষুণে জলাহ ভূমি আৰু জলাশয় বোৰত থকা উদ্ভিদ আৰু জীৱ – জন্তুৰ ব্যাপক ক্ষতি সাধন কৰে।
ঘ) ইয়াৰ প্ৰভাৱত মাটিৰ উৰ্বৰা শক্তি কমে, পানীৰ ৰং, স্বাদ নষ্ট কৰি পানীক ব্যবহাৰৰ অনুপযোগী কৰি তোলে।
(দশম শ্ৰেণীৰ সমাজ বিজ্ঞানৰ আধাৰত)