পোহৰৰ উৎসৱ দিপাৱলী কিয় পালন কৰা হয় ?
পোন প্ৰথমতে মোৰ ফালৰ পৰা আপোনালোক আটাইকে দিপাৱলীৰ শুভকামনা জনালো । প্ৰতি বছৰে শৰৎ কালৰ কাতি মাহৰ অমাৱস্যা তিথিত হিন্দুসকল, জৈনসকল , শিখসকল আৰু বৌদ্ধসকলে পালন কৰি অহা দেখা যায় । ইয়াক পোহৰৰ উৎসৱ বুলিও কোৱা হয় বা ইয়াক পোহৰৰ প্ৰতীক বুলিও কোৱা হয়। ৰাজ্যজুৰি প্ৰতিবছৰে দিপাৱলী পালন কৰি আহিছে । দিপাৱলীক আন আন নামেৰেও জনা যায় দিপান্বিতা , দেৱালী আদি নামেৰে জনা যায় । এই উৎসৱ অক্টোৱৰ -নৱেম্বৰ মাহত পালন কৰা হয় ।প্ৰতিবছৰৰ দৰে এইবেলিও মহা ধুম – ধামেৰে পালন কৰা হ’ব ১২ নৱেম্বৰ তাৰিখে । দেৱালীৰ আগে আগে মানুহবিলাকে তেওলোকৰ ঘৰবোৰ চাফ – চিকুণ কৰি পৰিস্কাৰ কৰি তোলে ।দেৱালীৰ দিনা তেওলোক সুন্দৰ সাজ পৰিধান কৰি মিঠাতেলৰ চাকি, মম আদি আলোকৰে আলোকিত কৰি তোলে । এইবোৰ কৰাৰ লগতে তেওলোকে কলগছ পুতে আৰু কলগছতো চাকি জ্বলায় । আৰু পিছত কণ কণ শিশু , বয়োবৃদ্ধ লোকসকলে ফুলজাৰী , এটম বোমা , ফটকা ফুটাই দেৱালী পালন কৰা হয় । দক্ষিণ এছিয়াৰপৰা উৎপত্তি হোৱা সংস্কৃত গ্ৰন্থত পোৱা যায় এই পাঁচদিনীয়া দেৱালী উৎসৱৰ উল্লেখ পোৱা যায় ।ভাৰতৰ ভিন ভিন ঠাইত এই উৎসৱ ভিন ভিন নামেৰে জনা যায় । ইয়াৰ লগত দেৱালীৰ নীতি – নীয়ম বেলেগ বেলেগ ।দেৱালী দুৰ্গা পূজাৰ দশমীৰ ১৮ দিনৰ পিছত পালন কৰা হয় ।দেৱালী ধনতেৰাচৰ দিনৰ পৰা আৰম্ভ কৰা হয় । দ্বিতীয় দিনাক নৰক চতুৰ্দশী কয় ।দক্ষিণ ভাৰতত এই দিনকে মূল দেৱালী বুলি কয় । পশ্চিম , পূৱ আৰু উত্তৰ ভাৰতত তৃতীয় দিনটোত মূল দেৱালী পালন কৰা হয় । এই দিনটো পশ্চিম আৰু উত্তৰ ভাৰতত লক্ষ্মী পূজা ,পূৱ ভাৰতত কালী পূজা হয় ।চতুৰ্থ গোৱৰ্ধন পূজা আৰু পন্সম দিনা ভাতৃ দ্বিতীয়াৰে দেৱালী উৎসৱৰ সামৰণি পৰে ।
দেৱালী কিয় পালন কৰা হয় ?