পেৰিছ অলিম্পিকৰ ছেমি ফাইনেলত ভিনেশ ফোগাট
ৰঙিলী বাৰ্ত্তাসেৱা- পেৰিছ অলিম্পিকৰ ছেমি ফাইনেলত ভাৰতৰ মল্লযোদ্ধা ভিনেশ ফোগাট। ইউক্ৰেইনৰ ওকছানা লিভাচক পৰাস্ত কৰি ছেমি ফাইনেলত প্ৰৱেশ কৰে ভিনেশ ফোগাটে। ৭-৫ ব্যৱধানত জয়লাভ কৰি ছেমি ফাইনেলত প্ৰৱেশ কৰে ভাৰতীয় খেলুৱৈগৰাকী।ইয়াৰ পূৰ্বে মহিলাৰ ৫০ কেজি ফ্ৰীষ্টাইল মল্লযুঁজ ইভেণ্টত ভিনেশ ফোগাটে জাপানৰ ছুছাকি ইউক পৰাস্ত কৰে । ছুছাকিকে ইয়াৰ পূৰ্বে কেতিয়াও আন্তঃৰাষ্ট্ৰীয় মেচত পৰাস্ত হোৱা নাছিল ৷ এই জাপানীজ খেলুৱৈগৰাকী আছিল টকিঅ’ অলিম্পিকৰ স্বৰ্ণপদক বিজয়ী। খেলৰ প্ৰথমৰ দিশে জাপানৰ খেলুৱৈগৰাকী আগুৱাই আছিল যদিও শেষ মুহূৰ্তত ভিনেশ ফোগাটে জয়লাভ কৰে। ৩-২ ব্যৱধানত জাপানৰ খেলুৱৈগৰাকীক পৰাস্ত কৰে ভিনেশে।জাপানৰ খেলুৱৈ য়ুই ছুকাছিক পৰাস্ত কৰাৰ কেইটামান ঘণ্টাৰ ভিতৰতে কোৱাৰ্টাৰ ফাইনেলত জয়লাভ কৰে ভিনেশে। আজি নিশা ছেমি ফাইনেলত ভিনেশ ফোগাটে কিউবাৰ ৱাই গুজমেনৰ বিৰুদ্ধে খেলিব।