নীলা খাম
ইভা গন্ধীয়া ফুকন
নীলা খামৰ মাজতে থাকে
দুখ বেদনা
হাঁহি কান্দোন
আশা নিৰাশা
পোৱা নোপোৱাৰ সম্ভেদ
প্ৰেমৰ জয় যাত্ৰা এই খামতে
হয়তো বুজিয়ে নাপালোঁ
প্ৰেম ধৰ্মযুদ্ধ নে অৰ্থনীতিৰ জটিল সূত্ৰ
নীলা খামৰ শব্দবোৰ গোটাই লবা
যিবোৰ মোবাইল ফোনৰ এছ এম এছে কঢ়িয়াব নোৱাৰে
যিবোৰ পানীত পেলালে ঢৌ এটা তুলি মিচিকিয়াই হাঁহে
নীলা খামৰ মাজতে আছে হেৰাই যোৱা অতীত
যিবোৰ তুমি গোটাই লৈ পোহৰ কৰি দিব পাৰিবা হৃদয়।