নলবাৰীত অসম জাতীয় পৰিষদৰ যোগদান সমাৰোহ
তৃণমূল কংগ্ৰেছ-অগপ কৰ্মীৰ যোগদান
ৰঙিলী বাৰ্ত্তাসেৱা- নলবাৰীত অসম জাতীয় পৰিষদৰ আজি এক বিশাল যোগদান সমাৰোহ অনুষ্ঠিত হয়৷ দলৰ নলবাৰী জিলা সমিতিৰ উদ্যোগত আয়োজিত উক্ত সভাত তৃণমূল কংগ্ৰেছৰ ৫০ গৰাকী আৰু অসম গণ পৰিষদৰ ২৫ গৰাকী কৰ্মীয়ে অসম জাতীয় পৰিষদত যেগদান কৰে৷ নলবাৰী লাওদল সৰিয়হতলি গোপাল থান চৌহদত অনুষ্ঠিত যোগদান সমাৰোহত সভাপতিত্ব কৰে দলটোৰ নলবাৰী জিলা সমিতিৰ সভাপতি নগেন ডেকাই৷ কেন্দ্ৰীয় সভাপতি লুৰীণজ্যোতি গগৈ আৰু সাধাৰণ সম্পাদক সম্পাদক জগদীশ ভূঞাই দলত যোগদান কৰা নেতা-কৰ্মীসকলক গলবস্ত্ৰ পৰিধান কৰোৱাই দললৈ আদৰণি জনায়৷ যোগদান কৰা নেতাসকলৰ ভিতৰত তৃণমূল কংগ্ৰেছৰ মানৱাধিকাৰ কোষৰ ৰাজ্যিক সভাপতি ক্ষিতীশ তালুকদাৰ আৰু অন্যতম৷ আজিৰ যোগদান সমাৰোহত দলৰ কেন্দ্ৰীয় উপসভাপতি ৰমেন্দ্ৰমল্ল বুজৰবৰুৱা আৰু মানিক বড়ো, সম্পাদক চিত্তৰঞ্জন বসুমতাৰী আৰু গিৰীণ তালুকদাৰ উপস্থিত থাকে৷ আনহাতে আজি নলবাৰী চহৰৰ পল্লা ৰোডত দলৰ সভাপতি লুৰীণজ্যোতি গগৈয়ে দলটোৰ নলবাৰী জিলা সমিতিৰ কাৰ্যালয় উদ্বোধন কৰে৷