নতুন দিনৰ বাবে কবিতা
প্ৰভাত বণিয়া
মনোৰম ফুলৰ শৰাই তোমাৰ বাবেই
আগবঢ়াইছো তুমি সুখী হোৱা
সুন্দৰ মনৰ অধিকাৰী হোৱা
ধুনীয়া হোৱা, বিনয়ী হোৱা সৎ চিন্তা
সদ্ভাৱনা হ’ক তোমাৰ জীৱনৰ পণ
জগত সুন্দৰ কৰা
সবল সুঠাম সুশ্ৰী নিটোপল দেহ,
তুমি উজলি উঠা
সুজলা সুফলা
আমাৰ কবিতাৰ সভাত
ফুলৰ শৰাই অতি হেঁপাহেৰে
তোমাৰ বাবেই আগবঢ়াইছো
হে মোৰ নৱ প্ৰজন্ম
তুমি সুখী হোৱা
নিৰ্ভিক হোৱা
জ্ঞানৰ বন্তিৰে জগত আলোকিত কৰা।
তোমাক স্বাগতম !