নতুন অসমীয়া ছবিৰ খবৰ, প্ৰেৰণা ক্ৰিয়েশ্বনে নিৰ্মাণ কৰিবলৈ লৈছে কাৰেঙ
অঞ্জু শাণ্ডিল্য
এখন ছবি দৰ্শকে উপভোগ কৰি সন্তোষ লাভ কৰে যদিহে ছবি খনৰ কাহিনী, চিত্ৰনাট্য মনোগ্ৰাহী হয়।আৰু দৰ্শকৰ প্ৰিয় অভিনেতা -অভিনেত্ৰীয়ে ছবিত অভিনয় কৰিছে বুলি খবৰ পালেও ছবি খন চাবলৈ দৰ্শকে ছবি গৃহত ভিৰ কৰে।ছবি খন কলাত্মক অথবা ব্যবসায়িক ছবিয়েই নহ ওক তথাপিও দৰ্শকক আপ্লুত কৰিব পৰাকৈ এখন ছবিৰ কাহিনী চিত্ৰনাট্য জনপ্ৰিয়তাৰ শীৰ্ষত আৰোহণ কৰা পৰিচালক ,প্ৰযোজক, অভিনেতা, অভিনেত্ৰী থাকিলে ছবি খন উপভোগ্য হৈ পৰে ।২০২৪বৰ্ষৰ ডিচেম্বৰ মাহৰ শেষৰ ফালে এখন নতুন ৰূপত অসমীয়া কলাত্মক ছবিৰ দৃশ্য গ্ৰহণৰ কাম আৰম্ভ হৈছে ।বিনোদন -ছবি জগতৰ উজ্জ্বল জ্যোতিষ্ক, পৰিচালক প্ৰেৰণা বৰ বৰুৱাৰ নৱতম ছবি কাৰেঙ ৰাষ্ট্ৰীয় পুৰস্কাৰ প্ৰাপ্ত প্ৰশংসিত পৰিচালক প্ৰেৰণা বৰ বৰুৱাৰ নতুন ছবি কাৰেঙৰ দৃশ্য গ্ৰহণ আৰম্ভ হৈছে ।কাহিনী আৰু চিত্ৰনাট্য ও পৰিচালক গৰাকীৰে।প্ৰযোজনা বিশিষ্ট প্ৰযোজক ৰাষ্ট্ৰীয় পুৰস্কাৰ প্ৰাপক বিবিদেৱী বৰ বৰুৱাৰ ।মুখ্য চৰিত্ৰত অভিনয় কৰিব ৰাষ্ট্ৰীয় পুৰস্কাৰ প্ৰাপক সীমা বিশ্বাস, বাহাৰুল ইছলাম, প্ৰণামী বৰা, ভাস্কৰ বৰুৱা, স্বাগতা ভৰালী, দৰথী ভৰদ্বাজ, বাবী বৰুৱা আদি ।প্ৰেৰণা ক্ৰিয়েশ্বনৰ বেনাৰত এখন নতুন আঙ্গিকৰ কলাত্মক ছবি কাৰেঙৰ দৃশ্য গ্ৰহণৰ কাৰ্য চলি আছে ।দৃশ্য গ্ৰহণৰ দায়িত্বত আছে আশুতোষ কাশ্যপ ।বছৰৰ অন্যতম প্ৰত্যাশিত ছবি খনৰ সঙ্গীত প্ৰযোজনা কৰিছে জনপ্ৰিয়তাৰ শীৰ্ষত আৰোহণ কৰা সঙ্গীতজ্ঞ তৰালী শৰ্মাই ।ছবি খন সকলো দিশতে সুন্দৰ ৰূপত নিৰ্মাণ কৰাৰ চেষ্টাত বলিউডৰ প্ৰতিভাবান কলা-কশলী অনা হৈছে ।ইমান সকল খ্যাতি অৰ্জন কৰা কলা-কুশলীয়ে আগ-ভাগ লোৱা ছবি কাৰেঙ নিশ্চিত ভাবে সুন্দৰ ৰূপত নিৰ্মাণ হ’ব ।দৰ্শকক আপ্লুত কৰিব পৰাকৈ এখন সফল কলাত্মক ছবি প্ৰেৰণা ক্ৰিয়েশ্বনে উপহাৰ দিব বুলি আশা কৰিব পাৰি ।