ধিঙত বেচৰকাৰী সংস্থা “সৃষ্টি সুমধুৰ ছ’চাইটি”ৰ মুখ্য কাৰ্যলয়ৰ দ্বাৰ মুকলি
ৰঙিলী বাৰ্ত্তাসেৱা- ধিঙৰ বুকুত জন্মলাভ কৰা বেচৰকাৰী সংস্থা “সৃষ্টি সুমধুৰ ছ’চাইটি”ৰ মুখ্য কাৰ্যলয়টি আজি আনুষ্ঠানিক ভাৱে দ্বাৰ উন্মোচন কৰে ধিং ৰাজহ চক্ৰ বিষয়া বিলিভিয়া ছৌধুৰীয়ে ৷ উল্লেখ্য যে, ২০২০ বৰ্ষতে ধিঙত জন্মলাভ কৰা সৃষ্টি সুমধুৰ ছ’চাইটিয়ে বিগত সময় ছোবাত বৃহত্তৰ ধিং আৰু বটদ্ৰৱা অঞ্চলৰ সামাজিক, সাংস্কৃতিক, স্বাস্থ্য আৰু শিক্ষাৰ লগতে অৰ্থনৈতিক দিশৰ সৰ্বাঙ্গীণ বিকাশৰ বাবে কেতবোৰ সমাজৰ উন্নয়ন মুলক কাম দায়বদ্ধতাৰে ৰূপায়ণ কৰি আহিছে ৷ “স্বাবলম্বীতাৰ অবিৰত যাত্ৰা“ এই মুলমন্ত্ৰৰেই সংস্থাটোৰ প্ৰতিজন কৰ্মকৰ্তা তথা সদস্যই কৰ্মত ব্ৰতী হৈ আহিছিল যদিও সংস্থাটোৰ এটি কাৰ্যলয় নথকাৰ বাবে ভীষণ অসুবিধাৰ সন্মুখীন আহিছিল৷ আজি ভাৰতীয় ষ্টে’ট বেংক ধিং শাখাৰ সমীপতে সংস্থাৰ অস্থায়ী কাৰ্যলয়টো মুকলি কৰা হয় ৷ ইয়াকে লৈ সংস্থাটোৰ সদস্য সকলে সন্ত্যোষ্টি প্ৰকাশ কৰে ৷ আজিৰ এই উদ্ধোধনী অনুষ্ঠানত ধিং পৌৰসভাৰ পৌৰ নেত্ৰী প্ৰিয়ংকা নায়ক, বটদ্ৰৱা খণ্ড উন্নয়ন বিষয়া দীলিপ সৰকাৰ, ধিং প্ৰেছ ক্লাৱৰ জ্যোষ্ঠ সাংবাদিক কৰুনা বৰা, বাশ্বাৰ উল্লাহ মুজাদ্দাদী আৰু সাংবাদিক তৰুণ বৰা, হেমেন ৰাজা, বেদব্ৰত ৰাজা, উৎপল শইকীয়া, এছিয়া বুক অৱ ৰেকৰ্ডচৰ লগতে ইণ্ডিয়া বুক অৱ ৰেকৰ্ডচত নাম অন্তৰ্ভুক্তিৰে ধিঙলৈ গৌৰৱ কঢ়িয়াই অনা বাহঁ শিল্পী ভৰত জ্যোতি দেৱ নাথ, মৌমাাত শিশু আলোচনীৰ সম্পাদিকা বন্দনা নাথ ঠাকুৰীয়া আৰু মৰিগাঁও জিলা সমাজ কল্যাণ বিভাগৰ লাহৰীঘাট সংহত শিশু উন্নয়ন প্ৰকল্পৰ পৰিসংখ্যা সহায়ক ৰণ্টু ঠাকুৰীয়াৰ লগতে ধিং এফ আৰ ইউৰ খণ্ড প্ৰশিক্ষণ বিষয়া অমৃত তালুকদাৰ উপস্থিত থাকে ।
