জীৱন জীনাৰ গান
সময় আৰু অভিজ্ঞতাৰ
কষটি শিলত গঢ়া জীৱন ৷
ধুমুহাই তচনছ কৰিব নোৱাৰে।
প্ৰতাৰণাতো বিচলিত নহয়।
জীৱনক ভালপোৱা জনে
প্ৰত্যাহ্বান নেওচি
ঘোষনা কৰে নিজৰ অস্তিত্ব ।
সেয়ে বন্ধু,
তোমাৰ হৃদয়ত বাজি ৰওক
জীৱন জিনাৰ সুৰ
হতাশ নহবা,
ধুমুহাৰ ৰাতি শালগছ জোপালৈ চোৱা ।
জীৱনৰ অৰ্থ কি
বৃদ্ধ চাণ্টিয়াগক সোধা ।
হাৰিছো বুলি ভাবিলে
বিশ্বাসৰ হাতখন খামুচি ধৰিবা ।
আকৌ এবাৰ কবা,
জীৱন জীৱন বৰ অনুপম
বন্ধু,প্ৰৱল ইচ্ছাশক্তিৰে গাবা জীৱন জিনাৰ গান।
অৰূপা নাথ,
গোলাঘাট