জি আৰ পি-আৰ পি এফৰ সজাগতা সমদল
ৰঙিলী বাৰ্ত্তাসেৱা- গুৱাহাটী ৰে’লৱে ষ্টেচনৰ জি আৰ পি, আৰ পি এফ আৰু মজদুৰ ইউনিয়নৰ সহযোগত আন্তঃৰাষ্ট্ৰীয় ড্ৰাগছ বিৰোধী দিৱসৰ লগত সংগতি ৰাখি জি আৰ পি থানাৰ সন্মুখৰ পৰা মূল গেট হৈ আহি এস্কেলেতৰ গেটৰ সন্মুখত সমদল সমাপ্ত কৰে। উক্ত সমদলত আৰ পি এফৰ পৰিদৰ্শক খগেন বসুমতাৰী, উপ পৰিদৰ্শক ৰমাই দাস, জি আৰ পিৰ পৰিদৰ্শক অভিষেক বৰো, উপ পৰিদৰ্শক ৰফিক আলীৰ লগতে মজদুৰ ইউনিয়নৰ চৰ্দাৰ সুৰেন্দ্ৰ যাদৱ সহ প্ৰায় ১০০ জন মান লোক উপস্থিত আছিল।