ছেপ্টেম্বৰ মাহলৈকে ভাৰতীয় ঘেঁহু ৰপ্তানি নিষিদ্ধ কৰিছে ইউ এ ইয়ে
ৰঙিলী বাৰ্ত্তাসেৱা- ইউ.এ.ই.য়ে ভাৰতীয় ঘেঁহুৰ পৰা তৈয়াৰ কৰা সামগ্রী যেনেঃ আটা, ময়দা আদিৰ ৰপ্তানি ৪ মাহৰ বাবে স্থগিত ৰাখিছে। ইউ.এ.ই. চৰকাৰে এই সন্দৰ্ভত এক নিৰ্দেশও জাৰি কৰিছে। প্ৰতিবেদন অনুসৰি, ইউ.এ.ই.ৰ অৰ্থনীতি মন্ত্ৰালয়ে এই পদক্ষেপৰ আঁৰৰ কাৰণ হিচাপে বিশ্বব্যাপী বাণিজ্য প্ৰবাহত বাধা ৰখাৰ কথা উল্লেখ কৰে। লগতে উল্লেখ কৰে যে ভাৰতে ঘৰুৱা ব্যৱহাৰৰ বাবে ইউ.এ.ই.লৈ ঘেঁহু ৰপ্তানিৰ অনুমোদন জনাইছে। ১৪ মে’ত, ভাৰতে ঘেঁহু ৰপ্তানি নিষিদ্ধ কৰিছিল। অৱশ্যে, এই নিষেধাজ্ঞাত ইতিমধ্যে ঋণ পত্ৰ (এলচি) বা খাদ্য সুৰক্ষা নিশ্চিত কৰাৰ বাবে ঘেঁহু প্ৰদান কৰিব লগা দেশবোৰক বাদ দিয়া হৈছিল। এই নিষেধাজ্ঞাৰ পিছত, ভাৰতে ৪,৬৯,২০২ টন ঘেঁহু ৰপ্তানিৰ অনুমতি দিছে। ইপিনে, আন এক বিবৃতিত কোৱা হৈছে যে, “১৩ মে’ ২০২২ৰ আগতে ইউ.এ.ই.লৈ অনা ভাৰতীয় ঘেঁহু ৰপ্তানি বা পুনৰ ৰপ্তানি কৰিব বিচৰা কোম্পানীবোৰে প্ৰথমে অৰ্থনীতি মন্ত্ৰালয়ত আবেদন কৰিব লাগিব।