চৰাইখানা
নিবেদিতা শইকীয়া
নগাঁও
আজি যিটো ষ্টেচন অভিমুখে আপুনি গৈ আছে
পালেই যাত্ৰা সমাপ্ত হ’ব বুলি ভাবি আছে
সেই ষ্টেচনটো পোৱাৰ পিছত দেখিব
আৰু এটা নতুন ষ্টেচনৰ
হাত বাউলি !
জীৱনটো এনেকুৱাই
যাত্ৰাৰ শেষ নাই
দূৰৰ পৰা শেষ ষ্টেচন বুলি ভবা ,
হাবিয়াস থকা ষ্টেচনটো পোৱাৰ পিছত
আপুনি ৰৈ নাযায় তাতে
কিছুদিন জিৰণি লৈ আকৌ
যাত্ৰাৰ বাবে উদবাউল হৈ উঠে
সকলো চৰাইখানা মাত্ৰ !
লক্ষ্য সুদূৰ পৰাহত
যাত্ৰা অবিৰত , আমৰণ !