চিৰ শাশ্বত
এছ ইছলাম, শিক্ষক
বালিকুৰী, বৰপেটা
সৃষ্টিৰ পাতনিৰে পৰা
আজি লৈকে আমি যি পানী
পান কৰিছোঁ সি চিৰ শাশ্বত।
ককা আজো ককাৰ দিনৰে পৰা
যি বায়ু আমি সেৱন কৰিছোঁ
সি অক্ষয় চিৰ শাশ্বত।
সৌ সিদিনাৰ পৰাই
যি সূৰুযে যি পোহৰ দিছে
সেই সূৰুয আজিও চলিত।
সৌদি সিদিনাৰ পৰাই
আমি যি হাতীপটীৰ বাসিন্দা
সি আজিও মহাশূন্যত বিৰাজমান।
সৌদি সিদিনাৰ পৰাই মহাশূন্যত
যি তাৰকাৰাজি তিৰ্ বিৰাইছে
সি আজিও সিঁচৰতি ।
সৌ সিদিনাৰ পৰাই যি নদ-নদী
বৈ গৈছে সাগৰ মহাসাগৰলৈ
সি আজিও প্ৰবাহিত।
সৌ সিদিনাৰ পৰাই
জন্মিলে মৰিব লাগে
আজিলৈ সেই নীতি প্ৰচলিত।
প্ৰকৃতিৰ নিয়মৰ নাই লৰচৰ
চিৰ শাশ্বত তুমি অবিনশ্বৰ
আমিহে জীৱজগত ক্ষণভংগুৰ।