চিপ চিপ বৰষুণ
চিপ চিপ বৰষুণত
তিতি তিতি ঘৰচিৰীকাই কথা পাতিছে
পূবত ৰঙা বেলিটিয়ে
শোৱাপাটি এৰি নিজৰ উপস্থিতিৰ কথা জনাইছে
ব’হাগৰ ৰঙত ৰঙীন আজি
সৰু ঘৰচিৰীকাবোৰ।
ঘৰৰ এচুকত বহি
আইতাই হাত দুখনেৰে অঙ্গী-ভঙ্গী কৰি
নাতি-নাতিনীহঁতক
সাধু কৈছে। সাধুৰ সম্ৰাট শিয়ালৰ কথাই
আমোদ দিছে কল্পনাপ্ৰৱন শিশুৰ মনক।
উঁই হাফলুৰ পৰুৱাবোৰ উৰিছে
মাকে সিহঁতক দুপাখি মেলাৰ জ্ঞান দিছে
বৰষুণত তিতি শিকিছে জীৱন সংগ্ৰামৰ আদিপাঠ॥
কমলেশ কাঞ্চন