গুৱাহাটী প্ৰেছ ক্লাবত গ্ৰন্থ উন্মোচন
ৰঙিলী বাৰ্ত্তাসেৱা- গুৱাহাটী প্ৰেছ ক্লাবত আয়োজিত এক অনুষ্ঠানত মৃণাল কুমাৰ বৰাৰ নৱতম গ্ৰন্থ ‘অসমীয়া চিনেমাত স্বাধীনতা আন্দোলন” উন্মোচন কৰা হয় । ইতিমধ্যে দুখনকৈ গ্ৰন্থৰ লেখক মৃণাল কুমাৰ বৰাৰ এইখন হৈছে তৃতীয়খন গ্ৰন্থ । প্ৰজ্ঞা মেডিয়া হাইপৰ দ্বাৰা প্ৰকাশিত এই গ্ৰন্থখন উন্মোচন কৰে বিশিষ্ট চলচ্চিত্ৰ অভিনেত্ৰী মৃদুলা বৰুৱা, ৰাজ্যিক চলচ্চিত্ৰ বঁটা বিজয়ী চলচ্চিত্ৰ সমালোচক কমললোচন দাস, চলচ্চিত্ৰ সমালোচক তথা সাংস্কৃতিক সাংবাদিক সন্থা, অসমৰ সভাপতি বিতোপন বৰবৰা, ’অসমবাণী কাকত’ৰ সম্পাদক দিলীপ চন্দন, প্ৰকাশক উজ্জ্বল বৰা আৰু গ্ৰন্থখনৰ লেখক মৃণাল কুমাৰ বৰাই । লেখক বৰাৰ কন্যা তন্ময়ী বৰাৰ গণেশ বন্দনাৰ এটি সুন্দৰ নৃত্যানুষ্ঠানেৰে শুভাৰম্ভ হোৱা এই গ্ৰন্থ উন্মোচনী অনুষ্ঠানত প্ৰতিগৰাকী বিশিষ্ট বক্তা তথা উন্মোচকে বৰাৰ এই প্ৰচেষ্টাৰ শলাগ লয় । শ্বহীদ কনকলতা বৰুৱাৰ আজি মৃত্যুৰ দিনটোক উপলক্ষ কৰিয়েই মৃণাল কুমাৰ বৰাৰ ‘অসমীয়া চিনেমাত স্বাধীনতা আন্দোলন’ গ্ৰন্থখনি উন্মোচন কৰা হয় । মুঠ ৭২ পৃষ্ঠাৰ এই গ্ৰন্থখনি সকলোৰে বাবেই এখন সংগ্ৰহৰ উপযুক্ত গ্ৰন্থ হ’ব ।