গীতিকবিতা
যমুনা দুলু বৈশ্য
শুৱালকুছি
হিয়াৰ আবেগেৰে কি কথা ক’লা
ভালপোৱাৰে তুমি প্ৰতিশ্ৰুতি দিলা
বুকুতে ৰহণ চৰায়
মৰমৰ বান্ধোনেৰে
মনৰ মাজতে ওলগ জনায় ।
থউকি বাথৌ দুচকুত আজি
পোহৰৰ মৌ সানি জীৱন ডিঙা
কলৈনো যায় উৰি
চোৱা না এবাৰ তুমি মোলৈ ঘূৰি
মনে কিয় বাৰে বাৰে তোমাকে ধিয়াই !
ভাল লগা প্ৰণয়ৰ স্মৃতি
হিয়াৰ কোণতে বাজে চমকি
ৰুণজুন , ৰুণজুন এনেকৈ
হিয়াত বাজে গুণ ,গুণ
হেঁপাহৰ ৰং বোৰ বাজিব সুৰ হয় ।