খানাপাৰাত ‘অসমী চৰচ মেলা’
ৰঙিলী বাৰ্ত্তাসেৱা- অহা ৩০ নৱেম্বৰ তাৰিখৰ পৰা ১৫ ডিচেম্বৰ তাৰিখলৈকে খানাপাৰা পশু চিকিৎসা মহাবিদ্যালয় খেলপথাৰত অনুষ্ঠিত হ’ব “অসমী চৰচ মেলা ২০২৪-২৫”। প্ৰতিবছৰৰ দৰে এইবেলিও বিভিন্ন বৰ্ণাঢ্য কাৰ্যসূচীৰ লগতে বাৰে বৰণীয়া সাংস্কৃতিক অনুষ্ঠানৰো আয়োজন কৰা হৈছে এই মেলাত। “আত্মনিৰ্ভৰ অসম” ৰ অন্যতম নিদৰ্শন প্ৰদানৰ লগতে মহিলাসকলক নিজৰ সৃষ্টিশীলতাৰ প্ৰমাণ দিয়াৰ ক্ষেত্ৰত যি এখন উপযুক্ত মঞ্চ “অসম চৰচ মেলা” য়ে প্ৰদান কৰি আহিছে সেয়া শলাগিবলগীয়া। এইবৰ্ষতো সমগ্ৰ অসমৰ লগতে দেশৰ বিভিন্ন ঠাইৰ আত্মসহায়ক গোটৰ মহিলাসকলে “অসমী চৰচ মেলা” ত অংশগ্ৰহণ কৰি হস্ততাঁত শিল্পকৰ্মৰ লগতে খাদ্য-সম্ভাৰৰ প্ৰদৰ্শনী কৰিব, য’ৰ পৰা ইচ্ছানুসাৰে সা-সামগ্ৰী ক্ৰয় কৰিব পাৰিব।গতিকে, আহক “অসমী চৰচ মেলা” লৈ। আপোনালোকৰ সহায়-সহযোগিতাই স্বাৱলম্বনৰ সপোন দেখা এই মহিলাসকলক সাহস দিব, অনুপ্ৰাণিত কৰিব।