খনিকৰ
অনামিকা (সংগীতা)কলিতা,শুৱালকুছি
হে খনিকৰ—
আমাৰ প্ৰাণৰ মৃন্ময় প্ৰতিমা
তোমাৰ হাতৰ পৰশত নিৰ্মাণ হয় ।
দেৱী মাক আভূষণ বস্ৰৰে সু-সজ্জিত কৰি
কল্পনাৰ ৰঙেৰে সজীৱ কৰা ।
হে খনিকৰ —
পূজাৰ বেদিত পৰিপূৰ্ণ হৈ পৰে
চাকি বন্তি ধূপ -ধূণাৰ
উৰুলি,ঘন্টা শংখ ধ্বনিৰ মাজত
আমাৰ প্ৰাণৰ প্ৰতিমা ।
হে খনিকৰ—–
দেৱী ৰূপে ভক্ত গণে
পূজা অৰ্চনা কৰে
মনৰ অভিলাষ পূৰণৰ আশাত
আমাৰ প্ৰাণৰ প্ৰতিমা।
হে খনিকৰ——
বিদায় বেলাত চকু-লো টোকে ভক্তগণে
ৰ’দ বৰষুণত তিতি বুৰি পৰি ৰয়
আমাৰ প্ৰাণৰ প্ৰতিমা।